• Gyani-Dhyani Baba Ji

    Ek Bahut Hi Pahunche Hue Sant The... Gyaan, Dhyaan, Sadhna Ke Bade Hi Jaankaar... Hamesha Muskurate Rahte The...

    Aane Waale Bhakt Aur Shishya Unse Ulta-Seedha, Oot-Pataang... Kuch Bhi Puchein... Hamesha Muskura Ke Jawaab Dete The... Gussa Toh Kabhi Aata Hi Nahin Nahin Tha... Gajab Ka Dhairya Tha... Patience Ki Jeeti-Jaagti Misaal The.

    Dur-Dur Tak Unki Khyati Thi. Ek Bar Ek Reporter Ne Unka Interview Lete Hue Pucha, "Baba ji, Aap Ke Guru Kaun Hain ? Aapne Dhairya, Dhyaan Aur Sadhna Ki Shiksha Kahan Se Li?"

    Sant Ne Us Patrakaar Ki Taraf Bade Hi Prem Se Dekha Aur Mushkurate Hue Kaha, "Beta, Maine 20 Saal Sarees Aur Ladie Suits Ke Showroom Mein Kaam Kiya Hai."
  • Ajab Gajab Dost

    Pappu Ne Gas Pe Pressure Cooker Chadaya... Selfie Wali Post Daali Aur Likha: Gharwali Mayeke Gayi Hai Aur Mujhe Chai Banani Hai, Cooker Mein Kitni Seeti Lagaun?

    Friends Ke Comments:

    Deepak Bhai: Oye, Cooker Mein Already Hi Ek Seeti Lagi Hai Aur Kitni Lagayega.

    Prakash Bhai: Bewakoof Chai Cooker Mein Thode Na Banti Hai... Kadhai Rakh Kadhai.

    Rajiv: Dekh Bhai... Pehle Toh 2 Ghante Ke Liye Chai Patti Bhigone Daal De... Uske Baad 1-2 Seeti Se Hi Kaam Ho Jayega.

    Sumit: Yaar... Khidki Pe Jaa Ke Ek Seeti Baja... Padosan Chai De Jayegi.

    Sabhi Answers Ka Baap:

    Rahul: Oye Gadhe, Agar Biwi Mayeke Gayi Hai Toh Chai Kyun Pee Raha Hai? Bewakoof Daaru Le Ke Aa... Pee Ke Mast Ho... Aur Humein Bula Le, Seeti Hum Baja Denge.
  • Badnaseebi!!!

    Ek Mehfil Mein Ek Bujurg Apne Kuch Anubhav Logon Ko Bata Rahe The.

    Maine Apni Life Mein 3 Kism Ke Logon Se Jyada Badnaseeb Kisi Ko Nahin Dekha.

    Pehle Vo Jinke Paas Bharpoor Naye Kapde Hon Phir Bhi Aadtana Puraane Se Kaam Chalate Rehte Hain.

    Dusre Vo Jinke Ghar Khane Ki Liye Beshumar Khana Ho, Par Kanjoosi Ki Aadat Se Ya Phir Kisi Bimari Ki Vajah Se Kha Nahin Paate.

    Aur Teesre Vo Jo.... Itna Kehte Hi Unka Gala Bhar Aya Aur Ankhein Chalak Gayi.

    Logon Ne Pucha Ki Kya Hua, Kaun Hain Vo Teesre Type Ke Log?

    Us Bujurg Ne Bhare Gale Se Jawab Diya: Doston, Teesre Vo Jinko Peene Ka Bahut Shauq Hota Hai... Jinka Dil Karta Hai Ki Piye Lekin Sirf Apni Gharwali Ke Khauf Se Do Peg Daru Nahin Pee Sakte.

    Unke Itna Kehte Hi Mehfil Mein Adhe Se Jyada Logon Ki Aankhein Bhar Aayi.
  • How's Your Married Life?

    Shadi Ke Bahut Dinon Ke Baad 2 Doston Ki Mulakaat Hui. Ek Dusre Se Milkar Dono Bahut Hi Khush Hue Aur Phir Ek Dusre Ki Married Life Ka Haal Puchne Lage.

    Pehla Dost: Aur Bhai, Kaisi Chal Rahi Hai Married Life Tumhari... Khush Toh Ho Na?

    Dusra Dost: Haan Bhai, Bhagwan Ki Daya Se Sab Theek Hai, Achcha Chal Raha Hai. Meri Aur Meri Wife Ki Apas Mein Badi Hi Achchi Understandin Hai. Subah Hum Dono Milakar Nashta Banate Hain, Phir Baaton-Baaton Mein Bartan Dho Lete Hain. Pyar-Pyar Mein Milkar Kapde Dho Lete Hain. Kabhi Vo Kisi Special Dish Ki Pharmaish Kar Deti Hai... Kabhi Kabhi Mein Apni Marzi Se Kuch Bana Leta Hun. Aur Meri Patni Bahut His Safai Pasand Hai... Isliye Unko Khush Rakhne Ke Liye Safai Ka Sara Jimma Maine Liya Hai.

    Phir Usne Pucha: Tum Sunao, Tumhari Kaisi Kat Rahi Hai?

    Pehla Dost: Bhai Beizzati Toh Apni Bhi Itni Hi Ho Rahi Hai Jitni Apki... Lekin Humko Ye Apki Tarah Power Point Presentation Banana Nahi Aata.