• Biwi Ka Khauf!!!

    Mandir Mein Raat Ko Bhajan Aur Kirtan Ka Programme Tha. Suresh Ka Dil Kara Raha Tha Jaane Ka Lekin Uski Patni Ne Mana Karte Hue Kaha: Tum Pata Nahi Kab Tak Aoge, Late Ho Jaoge..... Mein Kab Tak Jaagti Rahungi?

    Suresh Ne Apni Patni Ko Vishwas Dilate Hue Kaha: Mein 11 Baje Tak Vaapas Aa Jaunga... Promise.

    Patni Ji Maan Gayi Aur Kaha: Theek Hai... Lekin 11 Baje Matlab 11 Baje.

    Bhajan Sandhya Mein Suresh Kuch Is Tarah Doob Gaya Ki Time Ka Dhyan Hi Nahin Raha. Jab Suresh Ne Ghadi Ki Taraf Dekha Toh 1 Baj Raha Taha.... Suresh Ji Ki Haalat Patli Ho Gayi. Vo Chappal Haath Mein Liye Daudne Lage Aur Har Har Mahadev Bolte Gaye.

    Bhajan Sandhya Ka Mahaul Kaafi Alokik Tha... Aur Shiv Ji Bhi Vahin The. Unhone Suresh Ko Bhaagte Hue Dekha To Uski Help Ke Liye Aaye Aur Bole: Bol Bhakt, Kya Problem Hai?

    Suresh: Jai Ho Bhole Nath, Aap Mere Saath Ghar Tak Chalo. Mein Jab Knock Karoon Toh Aap Aagey Aake Sambhaal Lena, Nahin Toh Meri Patni Mujhe Aaj Mujhe Maar Dalegi.

    Shiv Ji: Vats... Tumhari Patni Tumhe Kyun Maregi ?

    Suresh: Hey Prabhu, Mein Apni Patni Ko 11 Baje Ka Bol Ke Aaya Tha.

    Shiv Ji: Abhi Kitne Baje Rahe Hain?

    Suresh: Ab Toh 1 Baj Raha Hai Prabhu.

    Ye Sunte Hi Shiv Ji Bhi Bhaagne Lage. Suresh, Badi Hi Hairaani Se Puchta Hai: Kya Hua Prabhu... Aap Kyun Bhaag Rahe Hain?

    Shiv Ji Daudte Daudte Bole: Bachcha, Mein Khud 12 Baje Ka Bol Ke Aaya Tha.

    Patni Matlab Patni... Chahe Vo Kisi Ki Bhi Ho!!!
  • Adhura Pyaar

    Kal Shaam Mein Apne Ek Dost Ke Saath Baitha Peg Laga Raha Tha. 3-4 Peg Lagane Ke Baad Vo Bhai Kuch Senti Sa Ho Gaya Aur Bola: Yaar... Kal Meri Premika Ki Beti 21 Saal Ki Ho Jayegi.

    Maine Kaha: Toh Kya?

    Vo Bola: Mera Beta Pichle Mahine 24 Saal Ka Hua Hai.

    Maine Phir Kaha: Toh?

    Vo Bola: Yaar Kuch Aisa Karo Ki Mere Bete Ki Shaadi Uski Beti Se Ho Jaye.

    Maine Kaha Us Se Kya Hoga?

    Ab Uske Dil Ki Baat Ki Gahraai Ko Dekhiye...

    Bade Bhavuk Hote Hue Vo Bola: Yaar Bahut Ichcha Thi Ki Meri aur Uski Shaadi Ho... Vo Mere Bachchon Ki Maan Bane.... Lekin Afsos... Yeh Ho Na Saka. Lekin Ab Ye Sochta Hun Ki Kisi Tarah Se Mere Bete Ki Shaadi Uski Beti Se Ho Jaaye.

    Maine Pucha Ki Vo Kyun Bhala?

    Vo Bola: Vo Isliye Ki Shaadi Ke Baad Mera Beta Apni Saas Ko Mummy-Mummy Hi Bolega Na.... Aur Kuch Nahin Toh Dil Mein Chupi Chahat Ko Kuch Toh Shaanti Milegi.
  • Baarish Ho Rahi Hai

    Aaj Office Se Aakar Jab Mein Bahar Apni Balcony Mein Baitha Toh Mausam Ekdum Suhawana Ho Gya Aur Baarish Bhi Shuru Ho Gayi. Maine Apni Patni Se Kaha: Arey Sunti Ho... Dekho Bahar Kya Mast Baarish Ho Rahi Hai.

    Meri Patni Jhat Se Boli: Sochna Bhi Mat... Kyunki Ek Toh Ghar Mein Besan Nahin Hai, Pyaz Bhi Khatam Hone Wala Hai Aur Sarson Ke Tail Ka Vaise Hi Kaafi Mehnga Hai... Aur Upar Se Aaj Kaamwali Bhi Nahin Aayi, Saare Bartan Joothe Pade Hain.

    Maine Apni Patni Ko Rokne Ke Liye Jaise Hi Kuch Kehne Laga Toh Usne Ekdum Se Tok Diya: Aur Haan... Daaru Ke Ke Liye Baraf Mat Maang Lena... Aaj Subah Se Bijli Ke Cut Lag Rahe Hain Aur Fridge Mein Thanda Pani Tak Nahin Hai. Vaise Bhi Bachche Bade Ho Rahe Hain.... Ye Sab Ghar Mein Bilkul Nahin Chalega.

    Mein Badi Hairani Se Ye Sab Sun Raha Tha Aur Apni Shrimati Ji Ki Taraf Dekh Raha Tha. Mujhe Apni Taraf Dekhta Paa Kar Meri Madam Ek Pal Ke Liye Ruki Aur Nakaratmak Andaaz Mein Boli: Na, Na, Na... Meri Taraf Toh Dekhna Bhi Mat, Koi Umeed Bhi Mat Rakhna.... Meri Kamar Mein Vaise Hi Dard Ho Raha Hai...

    Batao... Ab Pati Ye Bhi Nahin Bol Sakta Ki Baarish Ho Rahi Hai....
  • Narak Bhi Swarg Hai

    Ek Baar Mein Sharaab Ki Bottle Lekar Ghar Ki Taraf Jaa Raha Tha Ki Raaste Mein Apne Pados Mein Rehne Waale Pandit Ji Mil Gaye Aur Meri Daaru Ki Botal Dekh Ke Kahne Lage: Bhai, Tum Sharaab Peete Ho, Tum Toh Pakka Narak Mein Jaoge.

    Maine Pandit Ji Se Poocha: Lekin Pandit Ji, Koi Sharaab Bechta Hai Tabhi Toh Main Kharidta Hun. Us Suresh Ka Kya Hoga, Jo Sharaab Bechta Hai? Kya Vo Bhi Narak Mei Jayega?

    Pandit Ji: Haan Haan Vo Bhi Narak Mein Jayega.

    Maine Phir Pucha: Aur Us Suresh Ka... Jo Sharaab Ki Dukaan Ke Bahar Chicken Bechta Hai?

    Pandit Ji: Vo Bhi Mein Narak Mein Hi Jalega.

    Maine Phir Pucha: Aur Vo Naachne Wali Lolita Ka Hoga?

    Pandit Ji: Vo Bhi Nark Mien Jayegi.

    Maine Phir Khush Hote Hua Kaha: Phir Koi Dikkat Nahin Hai Nark Jaane Mein?

    Sharaab Waala Wahan Hoga;
    Chicken Waala Wahan Hoga;
    Naachne Waali Ladki Wahan Hogi... Apne Saath Peene Waale Saare Dost Wahan Honge... Apne Liye Toh Wahi Swarag Hua Hai.

    Pandit Ji Ab Mere saath Baithe Hain, 3 Peg Lagane Ke Baad Salad Kaat Rahe Hain... Lekin Selfie Lene Se Mana Kar Rahe Hain.