• Aur Udaao Mazaak!

    Ek baba kisi mehfil mein gaye toh sab logon ne un ka mazaaq udaana shuru kar dia.

    Baba ne kaha: Dekho hum faqeer log hote hain. Hamara mazaaq mat udaao.

    Log khoob hansay. Achanak un sab ko nazar aana band ho gaya. Sab ko laga ki Baba ne un ko andhey hon shraap de diya.

    Phir toh sab Baba ke saamne jhuk gaye aur kehne lage: Baba ji, hamein maaf kar do, ham se bhool ho gayi. Baba ne apna ek joota utara aur sab ko ek ek maara aur kaha: Kameeno !!! Light chali gayi hai. Koi jaa ke generator chalao, mujhe khud nazar nahin aa raha...
  • Seedhe Shabdon Mein!

    Aamir: Smiling...

    Teacher: Aap muskura kyon rahe ho?

    Aamir: Bahut dino se FB page ka admin banne ki ichcha thi aaj ban gaya hun, bahut maza aa raha hai.

    Teacher: Jyada maze lene ki zarurat nahi hai. Ok tell me what is a post?

    Aamir: Anything that is posted on facebook is a post sir.
    Teacher: Can you please elaborate?

    Aamir: Sir, jo bhi facebook pe log daalte hain wo post hai sir... ghumne gaye, uski photo daal diya!!! Post hai sir. Sir actually hum post se ghire hue hain!!! Katrina ki pic se Ronaldo ki kick tak!!! Sab post hai sir!!! Ek second mein comment, ek second mein like!!! Comment-Like, Comment-like....

    Teacher: Shut up! ADMIN banke ye karoge??? Comment-like, comment-like. Chatur tum batao?

    Chatur: Pictures, texts or Videos posted through Mobile or Tablet or laptop or desktop via different operating system using internet on facebook is called a post.

    Teacher: Excellent!

    Aamir: Per sir, maine bhi toh ye hi kaha lekin seedhe shabdon mein.

    Teacher: Seedhe shabdon me karna hai toh kisi aur page ke admin bano.

    Aamir: Par sir dusre admin bhi toh...

    Teacher: Get out!

    Aamir: Kya Sir ?

    Teacher: Seedhe shabdon mein kahun toh bahar jayiye.

    Aamir goes out and comes back.

    Teacher: Kya hua?

    Aamir: Kuch bhool gaya tha sir.

    Teacher: Kya?

    Aamir: An utility button given to us to protect our private data i.e. pictures, messages or personal information for being stolen or used for bad purpose by hackers or anyone else.

    Teacher: Kehna kya chahte ho???

    Aamir: Logout sir!!! Logout karna bhool gaya tha.

    Teacher: Seedha seedha nahi bol sakte the?

    Aamir: Sir, thodi der pehle try kiya tha but aapko pasand nahi aaya !!!
  • Shaadi Ke Baad...

    Shaadi Ke baad Patni Kaise badalti hai... Zara gaur kijiye...

    Pehle Saal: Maine kaha ji, khana kha lijiye, aapne kaafi der se kuchh khaya nahin!

    Dusre Saal: Ji, khana taiyaar hai, laga dun?

    Teesre Saal: Khana ban chuka hai, jab khana ho tab bata dena...!

    Chauthe Saal: Khana banakar rakh diya hai, main bazaar ja rahi hoon, jhud hi nikal kar kha lena.

    Paanchve Saal: Main kehti hoon, aaj mujhse khana nahin banega, hotel se le aao.

    Chhathe Saal: Jab dekho khana khana aur khaana, abhi subah hi to khaya tha.

    Shaadi ke baad Pati kaise badalte hain.. Zara gaur kijiye...

    Pehle Saal: Jaanu, Sambhalkar... udhar gadda hai...

    Dusre Saal: Arey yaar dekh ke, udhar Gadda hai...

    Teesre Saal: Dikhta nahin udhar Gadda hai...

    Chauthe Saal: Andhi hai kya, Gadda nahin dikhta??

    Paanchve Saal: Arey udhar kidhar marne jaa rahi hai, Gadda to idhar hai...
  • Exchange Offer!!!

    Ek din Santa ne newspaper mein ek advertisement dekha:

    'Apna Purana Mobile Do Aur New Mobile Lo'

    Santa advertisement dekhar khush ho gaya aur us address per akela chala gaya.

    Wahan koi shop nahi thi aur 2 ladke aise hi khade hue the.

    Santa wahan jaakar un ladkon se us advertisement ke baare mein puchta hai.

    Tabhi ek ladka chaaku nikaal kar kehta hai, "Ye ad humne hi diya tha, chal purana mobile de aur jaakar naya mobile le."