• Shaadi Ke Baad...

    Shaadi Ke baad Patni Kaise badalti hai... Zara gaur kijiye...

    Pehle Saal: Maine kaha ji, khana kha lijiye, aapne kaafi der se kuchh khaya nahin!

    Dusre Saal: Ji, khana taiyaar hai, laga dun?

    Teesre Saal: Khana ban chuka hai, jab khana ho tab bata dena...!

    Chauthe Saal: Khana banakar rakh diya hai, main bazaar ja rahi hoon, jhud hi nikal kar kha lena.

    Paanchve Saal: Main kehti hoon, aaj mujhse khana nahin banega, hotel se le aao.

    Chhathe Saal: Jab dekho khana khana aur khaana, abhi subah hi to khaya tha.

    Shaadi ke baad Pati kaise badalte hain.. Zara gaur kijiye...

    Pehle Saal: Jaanu, Sambhalkar... udhar gadda hai...

    Dusre Saal: Arey yaar dekh ke, udhar Gadda hai...

    Teesre Saal: Dikhta nahin udhar Gadda hai...

    Chauthe Saal: Andhi hai kya, Gadda nahin dikhta??

    Paanchve Saal: Arey udhar kidhar marne jaa rahi hai, Gadda to idhar hai...
  • Exchange Offer!!!

    Ek din Santa ne newspaper mein ek advertisement dekha:

    'Apna Purana Mobile Do Aur New Mobile Lo'

    Santa advertisement dekhar khush ho gaya aur us address per akela chala gaya.

    Wahan koi shop nahi thi aur 2 ladke aise hi khade hue the.

    Santa wahan jaakar un ladkon se us advertisement ke baare mein puchta hai.

    Tabhi ek ladka chaaku nikaal kar kehta hai, "Ye ad humne hi diya tha, chal purana mobile de aur jaakar naya mobile le."
  • Teen Sawaal...

    Ek naujawan ne ek buzurg se pucha:

    Jab duniya ek din fanah ho jani hai toh log is ke peche kyun bhaagte hain?
    Paisa duniya mein reh jayega toh log is ke peeche zindagi kyun lutaate hain?
    Cheezon ko hasil karne ke liye doston ko dushmn kyun samajhte hain?

    Buzurg ne teeno sawalon ko bade gaur se suna. Phir unhone jaib se ek machis ki dabbi nikali, usmein se 3 teeliyan uthayi, phir 2 teeliyan wapis rakh diya, aur 1 teeli ko tor ke us k 2 hisse kar diye, aur agla hissa phenk diya pichley hisse ko thora sa nokdaar banaya or munh ke qareeb laa ke danton mein phasa hua khana nikalne lage aur bole: Mujhe kya pata...?
  • FACEBOOK Ki Leela...

    Facebook ki leela sab par padi bhaari hai...

    71 saal ki budhiya bhi yahan kunwaari hai...

    Chacha ki bhi kismat badal jaati hai...

    18 saal ki chaachi yahan mil jaati hai...

    Ladke yahan ladkiyan ban jaate hein...

    Nakali Id se aatank machaate hein...

    Kuchh toh itne paagal ho jaate hein...

    Din raat 'Add Me' - 'Add Me' chillaate hein!