• Personal Calls at Work

    Ek Baar Ghar Ke Phone Ka Bill Bahut Jyada Aa Jaata Hai. Ghar Ke Sabhi Members Hairaan-Pareshaan Ho Jaate Hain Aur Discuss Karte Hain Ki Aakhir Itna Bill Kaise Aa Sakta Hai... Kaun Hai Jo Sabse Jyada Calls Karta Hai Ghar Ke Phone Se.

    Father: Ye Toh Hadd Ho Gayi. Itna Jyada Bill... Main Toh Ghar Ka Phone Almost Nahin Ke Barabar Use Karta Hun... Saari Baatein, Apne Main-Main Aur Lambi Calls Office Ke Phone Se Karta Hoon.

    Mother: Main Bhi Jyadatar Office Ka Phone Use Karti Hoon. Apni Friends Ke Saath Itni Saari Baatein Agar Ghar Ke Phon Se Karungi Toh Kaise Chalegaa.

    Beta: Dad, Apko Toh Pata He Hai Ki Main Subah Saat Baje Ghar Se Office Ke Lie Nikal Jaata Hoon. Jo Baat Karni Hoti Hai Vo Office Ke Ke Phone Se Karta Hoon.

    Beti: Meri Company Ne Toh Mere Desk Par He Phone Diya Hua Hai... Main Bhi Apni Sab Calls Us Phone Se He Karti Hoon.

    Ab Gharwale Ye Sochkar Pareshaan The Ki Jab Ghar Ke Saare Members Office Ka Phone Use Karte Hain Toh Phir Ye Ghar Ke Phone Ka Bill Itna Aaya Kaise?

    Ghar Ki Naukarani Chupchaap Khadi Sun Rahi Thee. Gharwale Uski Taraf Shak Ki Nazron Se Dekhne Lage Toh.... Naukarani Boli: Toh Kya Memsaab... Aap Sab Bhi To Jahan Par Kaam Karte Ho Vahin Ka Phone Use Karte Ho... Hai Ki Nahin... ? Maine Bhi Vahi Kiya... Toh Ismein Aise Dekhne Ki Zaroorat Kya?
  • Treating Depression

    Doctor Depression Ke Patient Se: Ji Mam, Bataiye, Kya Takleef Hai?

    Lady Patient: Doctor Sahab, Dimaag Mein Bahut Hi Ulte-Seedhe Vichaar Aate Hain, Rukte Hi Nahin.

    Doctor: Kab Aate Hai, Yeh Ulte-Seedhe Vichaar Aur Kahan Aate Hai?

    Lady Patient: Doctor Ji, Kabhi Bhi Aa Jaate Hain.... Aur Kahin Bhi...

    Doctor: Achcha Batao Kaise Vichaar Aate Hain?

    Lady Patient: Abhi Ki Hi Baat Lo... Jab Main Yahan Aayi Toh Aapke OPD Mein Ek Bhi Patient Nahin Thaa. Toh Main Sochne Lagi Ki Doctor Sahab Ke Paas Koi Bhi Patient Nahin Hai... Inki Kamai Kaise Hogi... Aur Kamaai Nahin Hogi Toh Ghar Kaise Chalega. Itna Paisa Kharch Kiya Hoga Studies Pe... Ab Kya Karenge.. Hospital Banaane Mein Bhi Bahut Paisaa Lagaya Hoga, Ab Loan Ki EMI Kaise Bharenge ? Apne Bachchon Ki Studies Ki Liya Kahan Se Paisa Layenge... Kahin Kisanon Ki Tarah Suicide Toh Nahin Kar Lenge... Ek Din...!! Bas Doctor Sahab Aise Hi Kuch Bhi Vichaar Aate Rehte Hain Man Mein...

    Ab Doctor Depression Mein Hai.
  • Strange Back Pain

    Santa Apni Problem Leke Doctor Ke Pass Gaya Aur Bola: Doctor Sahab, Jab Bhi Main Seedha Khada Rah Kar... Halka Sa Jhuk Kar Apni Left Leg Ghutne Se Modkar Seedha Karta Hoon... Phir Right Leg Ko Ghutne Se Modkar Seedha Karta Hoon Tab Kamar Mein Dard Hota Hai.

    Doctor, Hairani Se: Abe Agar Aisa Karne Se Dard Hota Hai Toh Tu Aisa Drama Karta Hi Kyun Hai?

    Santa, Badi Hi Masoomiyat Se: Toh Kya Main Ab Underwear Bhi Na Pahnu?
  • Kutta Mar Gaya!

    Ek Baar Ek Neta Ji Gaanv Mein Sabha Karne Ja Rahe The Lekin Gaanv Se Pehle Hi Unki Car Ke Neeche Ek Kutta Aa Gaya Aur Mar Gaya. Accident Ki Wajah Se Bhi Kharab Ho Gayi Aur Wahin Band Pad Gayi.

    Neta Ji Ne Driver Ko Madad Laane Ke Liye Gaanv Mein Bheja.

    Thodi Der Baad Jab Driver Lauta To Uske Gale Mein Dher Saari Malayein Padi Thi.
    Neta Ji Ne Poochha: Tune Wahan Jaa Ke Aisa Kya Kiya Jo Tera Itna Samman Hua... Itne Haar Tere Gale MeEin Daal Diye Logon Ne???

    Driver: Janaab, Maine Toh Sirf Itna Hi Kaha Ki Neta Ji Ki Car Ka Accident Ho Gaua Hai..... Aur Kutta Mar Gaya....