• Baarish Ho Rahi Hai

    Aaj Office Se Aakar Jab Mein Bahar Apni Balcony Mein Baitha Toh Mausam Ekdum Suhawana Ho Gya Aur Baarish Bhi Shuru Ho Gayi. Maine Apni Patni Se Kaha: Arey Sunti Ho... Dekho Bahar Kya Mast Baarish Ho Rahi Hai.

    Meri Patni Jhat Se Boli: Sochna Bhi Mat... Kyunki Ek Toh Ghar Mein Besan Nahin Hai, Pyaz Bhi Khatam Hone Wala Hai Aur Sarson Ke Tail Ka Vaise Hi Kaafi Mehnga Hai... Aur Upar Se Aaj Kaamwali Bhi Nahin Aayi, Saare Bartan Joothe Pade Hain.

    Maine Apni Patni Ko Rokne Ke Liye Jaise Hi Kuch Kehne Laga Toh Usne Ekdum Se Tok Diya: Aur Haan... Daaru Ke Ke Liye Baraf Mat Maang Lena... Aaj Subah Se Bijli Ke Cut Lag Rahe Hain Aur Fridge Mein Thanda Pani Tak Nahin Hai. Vaise Bhi Bachche Bade Ho Rahe Hain.... Ye Sab Ghar Mein Bilkul Nahin Chalega.

    Mein Badi Hairani Se Ye Sab Sun Raha Tha Aur Apni Shrimati Ji Ki Taraf Dekh Raha Tha. Mujhe Apni Taraf Dekhta Paa Kar Meri Madam Ek Pal Ke Liye Ruki Aur Nakaratmak Andaaz Mein Boli: Na, Na, Na... Meri Taraf Toh Dekhna Bhi Mat, Koi Umeed Bhi Mat Rakhna.... Meri Kamar Mein Vaise Hi Dard Ho Raha Hai...

    Batao... Ab Pati Ye Bhi Nahin Bol Sakta Ki Baarish Ho Rahi Hai....
  • How's Your Married Life?

    Shadi Ke Bahut Dinon Ke Baad 2 Doston Ki Mulakaat Hui. Ek Dusre Se Milkar Dono Bahut Hi Khush Hue Aur Phir Ek Dusre Ki Married Life Ka Haal Puchne Lage.

    Pehla Dost: Aur Bhai, Kaisi Chal Rahi Hai Married Life Tumhari... Khush Toh Ho Na?

    Dusra Dost: Haan Bhai, Bhagwan Ki Daya Se Sab Theek Hai, Achcha Chal Raha Hai. Meri Aur Meri Wife Ki Apas Mein Badi Hi Achchi Understandin Hai. Subah Hum Dono Milakar Nashta Banate Hain, Phir Baaton-Baaton Mein Bartan Dho Lete Hain. Pyar-Pyar Mein Milkar Kapde Dho Lete Hain. Kabhi Vo Kisi Special Dish Ki Pharmaish Kar Deti Hai... Kabhi Kabhi Mein Apni Marzi Se Kuch Bana Leta Hun. Aur Meri Patni Bahut His Safai Pasand Hai... Isliye Unko Khush Rakhne Ke Liye Safai Ka Sara Jimma Maine Liya Hai.

    Phir Usne Pucha: Tum Sunao, Tumhari Kaisi Kat Rahi Hai?

    Pehla Dost: Bhai Beizzati Toh Apni Bhi Itni Hi Ho Rahi Hai Jitni Apki... Lekin Humko Ye Apki Tarah Power Point Presentation Banana Nahi Aata.
  • Types of Ghar!

    Teacher Class Mein Ek Sawaal Puchta Hai: Pappu Beta, Ye Batao Ki Ghar Kitne Prakaar Ke Hote Hain?

    Pappu: Sir Ji, Jo Ghar Housle Se Banaye Jaate Hain Unhe 'House' Kehte Hain,

    Jin Gharon Mein Hawan Hote Hain Unhe 'Home' Kehte Hain,

    Jin Gharon Mein Hawa Jyada Chalti Hai Unhe 'Haveli' Kehte Hain,

    Jin Gharon Mein Dewaaron Ke Bhi Kaan Hote Hai Unhe 'Makaan' Kehte Hain,

    Jin Gharon Ke Loan Ki Instalments Bharne Mein Aadmi Hamesha Late Ho Jata Hai Unhe 'Flat' Kehta Hian...
    Aur Jin Gharon Mein Ye Bhi Pata Na Ho Ki Bagal Wale Gharon Mein Rehta Hai Unhe 'Bangla' Kehte Hain.

    Teacher Ji Abhi Tak Behosh Hain...
  • Ajab Gajab Dost

    Pappu Ne Gas Pe Pressure Cooker Chadaya... Selfie Wali Post Daali Aur Likha: Gharwali Mayeke Gayi Hai Aur Mujhe Chai Banani Hai, Cooker Mein Kitni Seeti Lagaun?

    Friends Ke Comments:

    Deepak Bhai: Oye, Cooker Mein Already Hi Ek Seeti Lagi Hai Aur Kitni Lagayega.

    Prakash Bhai: Bewakoof Chai Cooker Mein Thode Na Banti Hai... Kadhai Rakh Kadhai.

    Rajiv: Dekh Bhai... Pehle Toh 2 Ghante Ke Liye Chai Patti Bhigone Daal De... Uske Baad 1-2 Seeti Se Hi Kaam Ho Jayega.

    Sumit: Yaar... Khidki Pe Jaa Ke Ek Seeti Baja... Padosan Chai De Jayegi.

    Sabhi Answers Ka Baap:

    Rahul: Oye Gadhe, Agar Biwi Mayeke Gayi Hai Toh Chai Kyun Pee Raha Hai? Bewakoof Daaru Le Ke Aa... Pee Ke Mast Ho... Aur Humein Bula Le, Seeti Hum Baja Denge.