• Aainon Mein Aks Na Hon To Hairat Rehti Hai,<br/>
Jaise Khaali Aankhon Mein Bhi Wehshat Rehti Hai!
    Aainon Mein Aks Na Hon To Hairat Rehti Hai,
    Jaise Khaali Aankhon Mein Bhi Wehshat Rehti Hai!
    ~ Amjad Islam Amjad
  • Mujhe Khud Se Hain Shikayatein

    Mujhe Khud Se Hain Shikayatein, Mujhe Zindagi Se Gila Nahi;
    Ki Jo Chaha Maine Woh Paa Liya, Nahi Aisa Kuch Jo Mila Nahi;

    Mere Aas Paas Hai Roshni, Mere Raaston Mein Chirag Hain;
    Yeh Tere Karam Ka Hai Mojza, Meri Justuju Ka Sila Nahi;

    Teri Aankh Se Jo Haseen Ho, Woh Nigah Jag Mein Bani Nahi;
    Tere Rukh Ko Jis Se Misaal Doon, Koi Aisa Phool Khila Nahin;

    Yeh Jo Teri Zulf Ka Hai Hashiya, Yeh Jo Tera Chehra Khushnuma;
    Koi Raat Aisi Siyaah Nahi, Kisi Subah Mein Yeh Jilaa Nahin;

    Yeh Jo Mehr-o-Maa Kee Hain Halatein, Yeh Jo Aainon Kee Hain Hairtein;
    Hain Azal Se Yeh Isi Tarah, Koi Apni Jaa Se Hila Nahi!
    ~ Amjad Islam Amjad
  • Dil Ke Dariya Ko

    Dil Ke Dariya Ko Kisi Roz Utar Jana Hai;
    Itna Besimt Na Chal Laut Ke Ghar Jana Hai;

    Uss Tak Aati Hai To Har Cheez Thehar Jati Hai;
    Jaise Pana Hi Use Asal Mein Mar Jana Hai;

    Bol Ai Sham-e-Safar Rang-e-Rihai Kya Hai;
    Dil Ko Rukna Hai Ki Taron Mein Thehar Jana Hai;

    Kaun Ubharte Hue Mehtab Ka Raasta Roke;
    Uss Ko Har Taur Su-e-Dasht-e-Sehar Jana Hai;

    Main Khila Hun To Isi Khak Mein Milna Hai Mujhe;
    Wo To Khushbu Hai Use Agle Nagar Jana Hai;

    Wo Tere Husn Ka Jadu Ho Ki Mera Gum-e-Dil;
    Har Musafir Ko Isi Ghat Utar Jana Hai!
    ~ Amjad Islam Amjad
  • Kya Kya Hamare Khwab The

    Kya Kya Hamare Khwab The, Jane Kahan Pe Kho Gaye;
    Tum Bhi Kisi Ke Sath Ho, Hum Bhi Kisi Ke Ho Gaye;

    Jaane Woh Kyon The, Kaun The Aaye The Kis Liye Yahan;
    Woh Jo Fashaar-e-Waqt Mein, Bojh Sa Ek Dho Gaye;

    Uss Ki Nazar Ne Yun Kiya Gard-e-Malal-e-Jaan Ko Saaf;
    Abar Baras Ke Jis Tarah, Sare Chaman Ko Dho Gaye;

    Katne Se Aur Badhti Hai Uthe Hue Sarun Ki Fasal;
    Apne Lahu Se Ahl-e-Dil, Beej Yeh kaise Bo Gaye;

    Jin Ke Bagair Ik Pal, Jeena Bhi Muhaal Tha;
    Shaklein Bhi Unn Kee Bujh Gayin, Naam Bhi Unn Ke Kho Gaye;

    Ankhon Mein Bhar Ke Rut Jaage, Raston Ko De Ke Dooriyan;
    'Amjad' Woh Apne Humsafar, Kaise Maze Se So Gaye!
    ~ Amjad Islam Amjad
  • Mile Kaise Sadiyon Kee Pyaas Aur Pani, Zara Phir Se Kehna;<br/>
Barri Dilrubaa Hai Yeh Saari Kahani, Zara Phir Se Kehna!
    Mile Kaise Sadiyon Kee Pyaas Aur Pani, Zara Phir Se Kehna;
    Barri Dilrubaa Hai Yeh Saari Kahani, Zara Phir Se Kehna!
    ~ Amjad Islam Amjad
  • Hum Nahin Kehte Hamari

    Hum Nahin Kehte Hamari, Teri Duniya Ho Jaye;
    Itne Rangon Mein Koi Rang Toh Apna Ho Jaye;

    Ishq Woh Turfa-Balaa Hai Ke Kare Jis Ki Talb;
    Us Ko Maloom Na Ho, Sheher Mein Charcha Ho Jaye;

    Do Sitaron Ko Jo Dekhoon Teri Ankhein Ban Jayein;
    Chand Ko Dheyan Mein Laaon Tera Chehra Ho Jaye;

    Har Dora Hai Yeh Nigehbaan Khari Hai Kismat;
    Kaise Mumkin Hai Ke Har Shasks Ka Socha, Ho Jaye;

    Hum Ko Har Bazm Mein, Har Haal Mein Sach Kehna Hai;
    Sheher Ka Sheher Khafaa Hota Hai, Acha Ho Jaye;

    Ishq Woh Kaar-e-Musalsal Hai Nahin Jis Ki Akheer;
    Us Ki Taufiq Hai Jis Shakhs Se Jitna Ho Jaye;

    Husn Ki Ankh Woh Tahsees Talb Hai Amjad;
    Bheed Ho Charon Taraf Aur Koi Tanha Ho Jaye!
    ~ Amjad Islam Amjad
  • Ab Tak Toh Khair Teri Tamanna Mein Katt Gayi;
    Tu Mil Gaya Toh Sochta Hoon Kya Karon Ga Main!
    ~ Amjad Islam Amjad
  • Hasti Ka Aitbaar Kiye

    Hasti Ka Aitbaar Kiye Bagair Reh Na Jaye;
    Duniya Hai Yahan Par Jiye Bin Raha Na Jaye;

    Kat'ti Nahin Yeh Zindagi Umeed Ke Bagair;
    Yeh Jaam Woh Hai Jis Ko Piye Bin Raha Na Jaye;

    Chahat Ka Zakhm Dil Ko Tamasha Na Bana De;
    Aisa Hai Chaak Jis Ko Siye Bin Rahaa Na Jaye;

    Duniya Ke Is Afshaar Mein Hai Us Ki Yaad Yoon;
    Aandhi Ho Tez Aur Diye Bin Raha Na Jaye;

    Ik Simt Tera Hukam Hai, Ik Simt Kayenaat;
    Yeh Bojh Apne Sir Pe Liye Bin Raha Na Jaye!
    ~ Amjad Islam Amjad
  • Dil Ke Dariya Ko

    Dil Ke Dariya Ko Kisi Roz Utar Jana Hai;
    Itna Besimt Na Chal Laut Ke Ghar Jana Hai;

    Us Tak Ati Hai To Har Chiz Thahar Jati Hai;
    Jaise Pana Hi Use Asl Main Mar Jana Hai;

    Bol Ai Sham-e-Safar Rang-e-Rihai Kya Hai;
    Dil Ko Rukana Hai K Taron Main Thahar Jana Hai;

    Kaun Ubharate Hue Mahatab Ka Rasta Roke;
    Us Ko Har Taur Su-e-Dasht-e-Sahar Jana Hai;

    Main Khila Hun To Isi Khak Main Milna Hai Mujhe;
    Vo To Khushbu Hai Use Agle Nagar Jana Hai;

    Vo Tere Husn Ka Jadu Ho K Mera Gam-e-Dil;
    Har Musafir Ko Isi Ghat Utar Jana Hai!
    ~ Amjad Islam Amjad
  • Kisi Ki Ankh Jo

    Kisi Ki Ankh Jo Purnam Nahi Hai;
    Na Samajho Ye Ke Us Ko Gam Nahi Hai;

    Savad-e-Dard Mein Tanha Khada Hun;
    Palat Jaun Magar Mausam Nahi Hai;

    Samajh Mein Kuch Nahi Ata Kisi Ki;
    Agarche Guftagu Mubham Nahi Hai;

    Sulagta Kyun Nahi Tarik Jangal;
    Talab Ki Lau Agar Maddham Nahi Hai;

    Ye Basti Hai Sitam Parvar Digan Ki;
    Yahan Koi Kisi Se Kam Nahi Hai;

    Kinara Dusara Dariya Ka Jaise;
    Vo Sathi Hai Magar Mahram Nahi Hai;

    Dilon Ki Raushani Bujhne Na Dena;
    Vajud-e-Tiragi Mahkam Nahi Hai;

    Main Tum Ko Chah Kar Pachta Raha Hun;
    Koi Is Zakhm Ka Marham Nahi Hai;

    Jo Koi Sun Sake Amjad Toh Suna Dena;
    Ba-Juz Ek Baz Gasht-e-Gam Nahi Hai!
    ~ Amjad Islam Amjad
ADVERTISEMENT
ADVERTISEMENT