• Socha Nahi Achha Bura

    Socha Nahi Achha Bura Dekha Suna Kuch Bhi Nahi;
    Manga Khuda Se Raat Din Tere Siwa Kuch Bhi Nahi;

    Dekha Tujhe Socha Tujhe Chaha Tujhe Puja Tujhe;
    Meri Khata Meri Wafa Teri Khata Kuch Bhi Nahi;

    Jis Par Hamari Aankh Ne Moti Bichaye Raat Bhar;
    Bheja Wahi Kagaz Use Hum Ne Likha Kuch Bhi Nahi;

    Ek Sham Kee Dehleez Par Baithe Rahe Wo Der Tak;
    Aankhon Se Kee Baatein Bahut Munh Se Kaha Kuch Bhi Nahi;

    Do Chaar Din Kee Baat Hai Dil Khak Mein So Jayega;
    Jab Aag Par Kagaz Rakha Baki Bacha Kuch Bhi Nahi;

    Ehsaas Kee Khushbu Kahan, Aawaz Ke Jugnu Kahan;
    Khamosh Yaadon Ke Siwa, Ghar Mein Raha Kuch Bhi Nahi!
    ~ Bashir Badr
  • Sar Jhukaoge To...

    Sar Jhukaoge To Patthar Devta Ho Jayega;
    Itanaa Mat Chaho Use Wo Be-Wafa Ho Jayega;

    Hum Bhi Dariya Hain Humein Apana Hunar Maloom Hai;
    Jis Taraf Bhii Chal Padenge Raasta Ho Jayega;

    Kitani Sachayi Se Mujh Se Zindagi Ne Keh Diya;
    Tu Nahi Mera To Koi Doosra Ho Jayega;

    Main Khuda Ka Naam Le Kar Pee Rahaa Hun Dosto;
    Zehar Bhi Iss Mein Agar Hoga Dawa Ho Jayega;

    Rooth Janaa To Mohabbat Kee Alamat Hai Magar;
    Kya Khabar Thi Mujh Se Wo Itna Khafa Ho Jayega!
    ~ Bashir Badr
  • Mil Bhi Jaate Hain To Katra Ki Nikal Jaate Hain;<br />
Hai Mausam Kee Tarah Dost Badal Jaate Hain;<br />
Hum Abhi Tak Hain Giraftar-e-Mohabbat Yaroo;<br />
Thokaren Kha Ke Suna Tha Ki Sambhal Jaate Hain!
    Mil Bhi Jaate Hain To Katra Ki Nikal Jaate Hain;
    Hai Mausam Kee Tarah Dost Badal Jaate Hain;
    Hum Abhi Tak Hain Giraftar-e-Mohabbat Yaroo;
    Thokaren Kha Ke Suna Tha Ki Sambhal Jaate Hain!
    ~ Bashir Badr
  • Aankhon Mein Raha Dil Mein Utar Kar Nahin Dekha;<br />
Kashti Ke Musafir Ne Samandar Nahin Dekha;<br />
Be-Waqt Agar Jaunga Sab Chaunk Padenge;<br />
Ek Umar Hui Din Mein Kabhi Ghar Nahin Dekha!
    Aankhon Mein Raha Dil Mein Utar Kar Nahin Dekha;
    Kashti Ke Musafir Ne Samandar Nahin Dekha;
    Be-Waqt Agar Jaunga Sab Chaunk Padenge;
    Ek Umar Hui Din Mein Kabhi Ghar Nahin Dekha!
    ~ Bashir Badr
  • Agar Talaash Karun Koi Mil Hi Jayega;
    Magar Kaun Tumhari Tarah Mujh Ko Chahega;
    Tumhein Zaroor Koi Chahaton Se Dekhega;
    Magar Wo Aankhein Hamari Kahan Se Layega!
    ~ Bashir Badr
  • Musafir Ke Raaste Badalte Rahe;
    Muqaddar Mein Chalna Tha Chalte Rahe;

    Koi Phool Sa Haath Kandhe Pe Tha;
    Mere Paanv Sholon Pe Chalte Rahe;

    Mere Raaste Mein Ujala Raha;
    Diye Us Kee Aankhon Ke Jalte Rahe;

    Wo Kya Tha Jise Humne Thukara Diya;
    Magar Umar Bhar Haath Malte Rahe;

    Mohabbat Adavat Wafa Berukhi;
    Kiraye Ke Ghar The Badalte Rahe;

    Suna Hai Unhein Bhi Hawa Lag Gayi;
    Hawaon Ke Jo Rukh Badalte Rahe;

    Lipat Ke Charagon Se Wo So Gaye;
    Jo Phoolon Pe Karvat Badalte Rahe!
    ~ Bashir Badr
  • Aisa Lagta Hai

    Aisa Lagta Hai Zindagi Tum Ho;
    Ajnabi Jaise Ajnabi Tum Ho;

    Ab Koi Aarzoo Nahi Baki;
    Just-Ju Meri Aakhiri Tum Ho;

    Main Zameen Par Ghana Andhera Hun;
    Aasmano Kee Chandni Tum Ho;

    Doston Se Wafa Kee Ummeedein;
    Kis Zamane Ke Aadmi Tum Ho!
    ~ Bashir Badr
  • Udas Aankhon Se Aansu Nahi Nikalte Hain;
    Ye Motiyon Kee Tarah Sipiyon Mein Palte Hain;

    Ghane Dhuen Mein Farishte Bhi Aankh Malte Hain;
    Tamam Raat Khajuron Ke Ped Jalte Hain;

    Main Shah Reh Nahin, Raste Ka Pathar Hun;
    Yahan Sawar Bhi Paidal Utar Kar Chalte Hain;

    Unhe Kabhi Na Batana Main Unki Aankhein Hun;
    Wo Log Phool Samajhkar Mujhe Masalte Hain;

    Ye Ek Ped Hai, Aa Iss Se Milkar Ro Lein Hum;
    Yahan Se Tere Mere Raaste Badalte Hain;

    Kai Sitaron Ko Main Janata Hun Bachpan Se;
    Kahin Bhi Jaun Mere Saath Saath Chalte Hain!
    ~ Bashir Badr
  • Hum Bhi Dariya Hai Humein Apna Hunar Maloom Hai;
    Jis Taraf Bhi Chal Padenge Raasta ho Jayega!
    ~ Bashir Badr
  • Jab Raat Kee Tanhayi Dil Ban Ke Dhadakti Hai;<br/>
Yaadon Ke Jharokhon Mein Chilman Si Sirakti Hai;<br/>
Lobaan Mein Chingari Jaise Koi Rakh Jaye;<br/>
Yun Yaad Teri Shab Bhar Seene Mein Sulagti Hai!
    Jab Raat Kee Tanhayi Dil Ban Ke Dhadakti Hai;
    Yaadon Ke Jharokhon Mein Chilman Si Sirakti Hai;
    Lobaan Mein Chingari Jaise Koi Rakh Jaye;
    Yun Yaad Teri Shab Bhar Seene Mein Sulagti Hai!
    ~ Bashir Badr
ADVERTISEMENT
ADVERTISEMENT