• Jis Din Se Chala Hu Meri Manzil Pe Nazar Hai;
    Aankho Ne Kabhi 'Mile' Ka Patthar Nahi Dekha!
    ~ Bashir Badr
  • Sar Jhukaoge To...

    Sar Jhukaoge To Patthar Devta Ho Jayega;
    Itanaa Mat Chaho Use Wo Be-Wafa Ho Jayega;

    Hum Bhi Dariya Hain Humein Apana Hunar Maloom Hai;
    Jis Taraf Bhii Chal Padenge Raasta Ho Jayega;

    Kitani Sachayi Se Mujh Se Zindagi Ne Keh Diya;
    Tu Nahi Mera To Koi Doosra Ho Jayega;

    Main Khuda Ka Naam Le Kar Pee Rahaa Hun Dosto;
    Zehar Bhi Iss Mein Agar Hoga Dawa Ho Jayega;

    Rooth Janaa To Mohabbat Kee Alamat Hai Magar;
    Kya Khabar Thi Mujh Se Wo Itna Khafa Ho Jayega!
    ~ Bashir Badr
  • Socha Nahi Achha Bura

    Socha Nahi Achha Bura Dekha Suna Kuch Bhi Nahi;
    Manga Khuda Se Raat Din Tere Siwa Kuch Bhi Nahi;

    Dekha Tujhe Socha Tujhe Chaha Tujhe Puja Tujhe;
    Meri Khata Meri Wafa Teri Khata Kuch Bhi Nahi;

    Jis Par Hamari Aankh Ne Moti Bichaye Raat Bhar;
    Bheja Wahi Kagaz Use Hum Ne Likha Kuch Bhi Nahi;

    Ek Sham Kee Dehleez Par Baithe Rahe Wo Der Tak;
    Aankhon Se Kee Baatein Bahut Munh Se Kaha Kuch Bhi Nahi;

    Do Chaar Din Kee Baat Hai Dil Khak Mein So Jayega;
    Jab Aag Par Kagaz Rakha Baki Bacha Kuch Bhi Nahi;

    Ehsaas Kee Khushbu Kahan, Aawaz Ke Jugnu Kahan;
    Khamosh Yaadon Ke Siwa, Ghar Mein Raha Kuch Bhi Nahi!
    ~ Bashir Badr
  • Woh Chandni Ka Badan

    Woh Chandni Ka Badan Khushabuon Ka Saya Hai;
    Bahut Azeez Hume Hai Magar Paraya Hai;

    Utar Bhi Aao Kabhi Aasman Ke Zeene Se;
    Tumhein Khuda Ne Humare Liye Banaya Hai;

    Mehak Rahi Hai Zameen Chandni Ke Phoolon Se;
    Khudaa Kisi Kee Mohabbat Pe Muskuraya Hai;

    Use Kisi Kee Mohabbat Ka Aitbar Nahi;
    Use Zamane Ne Shayad Bahut Sataya Hai;

    Tamam Umar Mera Dum Uske Dhuein Se Ghuta;
    Woh Ik Chirag Tha Maine Use Bujhaya Hai!
    ~ Bashir Badr
  • Na Tum Hosh Mein Ho Na Hum Hosh Mein Hain;<br/>
Chalo Maikade Mein Wahin Baat Hogi!
    Na Tum Hosh Mein Ho Na Hum Hosh Mein Hain;
    Chalo Maikade Mein Wahin Baat Hogi!
    ~ Bashir Badr
  • Woh Bhi Bahut Akela Hai Shayad Meri Tarah;<br/>
Uss Ko Bhi Koi Chahne Wala Nahi Milaa!
    Woh Bhi Bahut Akela Hai Shayad Meri Tarah;
    Uss Ko Bhi Koi Chahne Wala Nahi Milaa!
    ~ Bashir Badr
  • Khuda Hum Ko

    Khuda Hum Ko Aisi Khudayi Na De;
    Ki Apne Siwa Kuch Dikhayi Na De;

    Khatawar Samjhey Gi Duniya Tujhe;
    Ab Itni Zayada Safai Na De;

    Hanso Aj Itna Ki Is Shor Me;
    Sada Siskiyon Kee Sunayi Na De;

    Ghulami Ko Barkat Samjhney Lagein;
    Aseeron Ko Aisi Rihayi Na De;

    Khuda Aise Ehsas Ka Naam Hai;
    Rahe Sahmne Aur Dikhayi Na De;

    Mujhe Aisi Jannat Nahi Chahiye;
    Jahan Se Madina Dikhayi Na Dey!
    ~ Bashir Badr
  • Doosron Ko Hamari

    Doosron Ko Hamari Sazaayen Na De;
    Chandni Raat Ko Bad'duyain Na De;

    Phool Se Aashiqui Ka Hunar Seekh Le;
    Titliyan Khud Rukein Gee Sadayen Na De;

    Motiyon Ko Chupaa Sipiyon Ki Tarah;
    Bewafaon Ko Apni Wafayen Na De;

    Main Bikhar Jaaon Aansuon Ki Tarah;
    Is Qadar Pyar Se Bad'duyain Na De!
    ~ Bashir Badr
  • Main Thak Geya Hu Bahut Shaayadaar Pedon Se;<br/>
Zara Si Dhoop Bichhakar Qayaam Karta Hu!
    Main Thak Geya Hu Bahut Shaayadaar Pedon Se;
    Zara Si Dhoop Bichhakar Qayaam Karta Hu!
    ~ Bashir Badr
  • Phool Sa Kuch

    Phool Sa Kuch Qalaam Or Sahi;
    Ik Ghazal Us Kay Naam Or Sahi;

    Us Ki Zulfien Bahut Ghaneri Hain;
    Ek Shab Ka Qayam Or Sahi;

    Zindagi Kay Udaas Qissey Hain;
    Ek Ladki Ka Naam Or Sahi;

    Kursiyon Ko Sunaiye Ghazlien;
    Qatal Ki Ek Sham Or Sahi;

    Kapkapati Hai Rat Seeney Me;
    Zehar Ka Ek Jaam Or Sahi!
    ~ Bashir Badr
ADVERTISEMENT
ADVERTISEMENT