• Mil Bhi Jate Hain

    Mil Bhi Jate Hain To Katara Ke Nikal Jate Hain;
    Haye Mausam Ke Tarah Dost Badal Jate Hain;

    Hum Abhi Tak Hain Giraftar-E-Muhabbat Yaaro;
    Thokaren Kha Ke Suna Tha Ki Sambhal Jate Hain;

    Ye Kabhi Apni Jafa Par Na Hua Sharminda;
    Hum Samajhate Rahe Pathar Bhi Pighal Jate Hain;

    Umar Bhar Jin Ke Wafaon Pe Bharosa Kije;
    Waqt Padane Pe Wohi Log Badal Jate Hain!

    ~ Bashir Badr
  • Wo Gazal Walon Ka

    Wo Gazal Walon Ka Uslub Samajhate Honge;
    Chand Kahate Hain Kise Khub Samajhate Honge;

    Itni Milati Hai Meri Ghazlon Se Surat Teri;
    Log Tujh Ko Mera Mahbub Samajhate Honge;

    Main Samajhata Tha Mohabbat Ke Zaban Khushbu Hai;
    Phul Se Log Ise Khub Samajhate Honge;

    Bhool Kar Apna Zamana Ye Zamane Wale;
    Aj Ke Pyar Ko Mayub Samajhate Honge!
    ~ Bashir Badr
ADVERTISEMENT
ADVERTISEMENT