• Utth Kar To Aa Gaye Hain Teri Bazm Se Magar;<br/>
Kuch Dil Hi Jaanta Hai Ki Kis Dil Se Aaye Hain!
    Utth Kar To Aa Gaye Hain Teri Bazm Se Magar;
    Kuch Dil Hi Jaanta Hai Ki Kis Dil Se Aaye Hain!
    ~ Faiz Ahmad Faiz
  • Tum Aaye Ho, Na Shab-e-Intezar Guzri Hai,
    Talash Mein Hai Sahar, Baar, Baar Guzri Hai;

    Junoon Mein Jitni Bhi Guzri Bekar Guzri Hai,
    Agarche Dil Pe Kharabi Hazaar Guzri Hai;

    Woh Baat Sare Fasane Mein Jiska Zikr Na Tha,
    Woh Baat Un Ko Bahut Nagavar Guzri Hai;

    Na Gul Khile Hain, Na Un Se Mile Hain, Na Mai Pi Hai,
    Ajeeb Rang Mein Ab Ke Bahaar, Guzri Hai;

    Chaman Pe Gharat-e-Gulchin Se Jane Kya Guzri,
    Qafas Se Aaj Saba Be-Qarar Guzri Hai!
    ~ Faiz Ahmad Faiz
  • Hum Musaafir Yun Hi Masroof-E-Safar Jaayen Ge,
    Be-Nishaan Ho Gaye Jab Shehar To Ghar Jaayen Ge;

    Kis Kadar Hoga Yahan Mehr-O-Wafa Ka Maatam,
    Hum Teri Yaad Se Jis Roz Utar Jaayen Ge;

    Jauhri Band Kiye Jaate Hain Bazaar-E-Sukhan,
    Hum Kise Bechne Almaas-O-Gauhar Jayen Ge;

    Nemat-E-Zeest Ka Yeh Karz Chukega Kaise,
    Laakh Ghabra Ke Yeh Kehte Hain Rahen Mar Jaayen Ge;

    Shayad Apna Bhi Koi Bait Hudi-Khvan Ban Kar,
    Saath Jaaye Ga Mere Yaar Jidhar Jaayen Ge;

    Faiz Aate Hain Rah-E-Ishq Main Jo Sakht Maqaam,
    Aane Walon Se Kaho Hum To Guzar Jaayen Ge!
    ~ Faiz Ahmad Faiz
  • Na Jaane Kis Liye Umeed-Vaar Baitha Hun,<br/>
Ek Aisi Raah Pe Jo Teri Rahguzar Bhi Nahi!
    Na Jaane Kis Liye Umeed-Vaar Baitha Hun,
    Ek Aisi Raah Pe Jo Teri Rahguzar Bhi Nahi!
    ~ Faiz Ahmad Faiz
  • Aaye To Yun Ki Jaise Hamesha The Meharban;
    Bhule To Yun Ki Goya Kabhi Aashna Na The!
    ~ Faiz Ahmad Faiz
  • Hum Ne Sab Sher Mein Sanware The;
    Hum Se Jitne Sukhan Tumhare The;

    Rang-o-Khusbhu Ke Husn-o-Khoobi Ke;
    Tum Se The Jitne Istiare The;

    Tere Kaul-o-Karar Se Pehle;
    Apne Kuch Aur Bhi Sahare The;

    Jab Wo Laal-o-Gohar Hisab Kiye;
    Jo Tere Gham Ne Dil Pe Vaare The;

    Mere Daaman Mein Aa Gire Saare;
    Jitne Tasht-E-Falak Mein Taare The;

    Umar-E-Jaaved Kee Dua Karte;
    'Faiz' Itne Wo Kab Hamare The!
    ~ Faiz Ahmad Faiz
  • Zindagi Kya Kisi Muflis Ke Qabaa Hai Jis Mein;
    Har Ghadi Dard Ke Paiband Lagaye Jate Hain!
    ~ Faiz Ahmad Faiz
  • Na Gul Khile Hain Na Un Se Mile Na Mai Pee Hai;
    Ajeeb Rang Mein Ab Ke Bahaar Guzri Hai!
    ~ Faiz Ahmad Faiz
  • Bane Hain Ahal-E-Hawas Muddai Bhi Munsif Bhi;
    Kise Vakeel Karein Kisse Munsifi Chaahen!
    ~ Faiz Ahmad Faiz
  • Tumhari Yaad Ke Jab Zakhm Bharne Lagte Hain;
    Kisi Bahane Tumhein Yaad Karne Lagte Hain;

    Hadis-e-Yaar Ke Unavan Nikharane Lagte Hain;
    To Har Harim Mein Gesu Sanwarne Lagte Hain;

    Har Ajnabi Humein Mehram Dikhai Deta Hai;
    Jo Ab Bhi Teri Gali Se Guzarne Lagte Hain;

    Saba Se Karte Hain Gurbat-Nasib Zikr-e-Vatan;
    To Chashm-e-Subah Mein Aansu Ubharne Lagte Hain;

    Wo Jab Bhi Karte Hain Is Nutq-o-Lab Kee Bakhiyagari;
    Faza Mein Aur Bhi Nagme Bikharne Lagte Hain;

    Dar-e-Qafas Pe Andhere Kee Mohar Lagti Hai;
    To 'Faiz' Dil Mein Sitare Utarane Lagte Hain!
    ~ Faiz Ahmad Faiz