• Hairan Hai Jabeen Aaj

    Hairan Hai Jabeen Aaj Kidhar Sajda Ravaa Hai;
    Sar Par Hain Khudavand Sar-e-Arsh Khuda Hai;

    Kab Tak Ise Seenchoge Tamanna-e-Samar Mein;
    Ye Sabr Ka Pauda To Na Phula Na Phala Hai;

    Milta Hai Khiraj Us Ko Teri Naan-e-Javin Se;
    Har Baadshah-e-Waqt Tere Dar Ka Gadaa Hai;

    Har Ek Uquubat Se Hai Takhi Mein Sava-Tar;
    Wo Rang Jo Na-Karda Gunahon Kee Saza Hai;

    Ehsaan Liye Kitne Maseeha-Nafson Ke;
    Kya Kijiye Dil Ka Na Jala Hai Na Bujha Hai!
    ~ Faiz Ahmad Faiz
  • Kabhi Kabhi Yaad Mein Ubharte Hain Naqshe Mazi Mite Mite Se;
    Wo Aazmaish Dil O Nazar Kee, Wo Kurbatein Si, Wo Fansle Se;
    Kabhi Kabhi Aarzoo Ke Sehra Mein Aake Rukte Hain Kafile Se;
    Wo Sari Baatein Lagav Kee Si, Wo Sare Unvaan Visal Ke Se!
    ~ Faiz Ahmad Faiz
  • Aaye To Yun Ki Jaise Hamesha The Mehrban;<br/>
Bhule To Yun Ki Goya Kabhi Aashna Na The!
    Aaye To Yun Ki Jaise Hamesha The Mehrban;
    Bhule To Yun Ki Goya Kabhi Aashna Na The!
    ~ Faiz Ahmad Faiz
  • Baat Bas Se Nikal Chali

    Baat Bas Se Nikal Chali Hai;
    Dil Kee Halat Sambhal Chali Hai;

    Jab Junoon Had Se Badh Chala Hai;
    Ab Tabiyat Behal Chali Hai;

    Ashk Khoonaab Ho Chale Hain;
    Gham Kee Rangat Badal Chali Hai;

    Ya Yun Hi Bujh Rahi Hain Shamayein;
    Yaa Shab-e-Hizr Tal Chali Hai;

    Lakh Paigam Ho Gaye Hain;
    Jab Saba Ek Pal Chali Hai;

    Jao, Ab So Raho Sitaro;
    Dard Kee Raat Dhal Chali Hai!
    ~ Faiz Ahmad Faiz
  • Dono Jahaan Teri

    Dono Jahaan Teri Mohabbat Mein Haar Ke;
    Wo Ja Raha Hai Koei Shab-e-Gham Guzaar Ke;

    Veeran Hai Maykada Khum-o-Sagar Udas Hain;
    Tum Kya Gaye Ki Rooth Gaye Din Bahar Ke;

    Ik Fursat-e-Gunaah Mili, Wo Bhi Chaar Din;
    Dekhe Hain Humne Haunsle Parwaradigaar Ke;

    Duniya Ne Teri Yaad Se Began Kar Diya;
    Tum Se Bhi Dilfareb Hain Gham Rozgar Ke;

    Bhule Se Muskura To Diye The Wo Aaj 'Faiz';
    Mat Puch Valvale Dil-e-Nakardkaar Ke!
    ~ Faiz Ahmad Faiz
  • Subah Phuti To Wo Pehlu Se Utha Aakhir-e-Shab;<br/>
Wo Jo Ik Umr Se Aaya Na Geya Aakhir-e-Shab;<br/>
Yaad Ka Phir Koi Darwaza Khula Aakhir-e-Shab!
    Subah Phuti To Wo Pehlu Se Utha Aakhir-e-Shab;
    Wo Jo Ik Umr Se Aaya Na Geya Aakhir-e-Shab;
    Yaad Ka Phir Koi Darwaza Khula Aakhir-e-Shab!
    ~ Faiz Ahmad Faiz
  • Dil Mein Ab Yun Tere Bhule Hue

    Dil Mein Ab Yun Tere Bhule Hue Gham Aate Hain;
    Jaise Bichhade Hue Kabe Mein Sanam Aate Hain;

    Ik Ik Kar Ke Hue Jaate Hain Tare Roshan;
    Meri Manzil Kee Taraf Tere Kadam Aate Hain;

    Raqs-e-May Tez Karo, Saaz Kee Lai Tez Karo;
    Su-e-Maikhana Safiraan-e-Haram Aate Hain;

    Kuch Humin Ko Nahi Ehsan Uthane Ka Dimag;
    Woh To Jab Aate Hain Mail-ba-Karam Aate Hain;

    Aur Kuch Der Na Guzare Shab-e-Furqat Se Kaho;
    Dil Bhi Kam Dukhata Hai Woh Yaad Bhi Kam Aate Hain!
    ~ Faiz Ahmad Faiz
  • Marne Ke Baad Bhi Meri Aankhein Khuli Rahin;<br/>
Aadat Jo Padh Gayi Thi Tere Intezar Kee!
    Marne Ke Baad Bhi Meri Aankhein Khuli Rahin;
    Aadat Jo Padh Gayi Thi Tere Intezar Kee!
    ~ Faiz Ahmad Faiz
  • Naseeb Aazmane Ke Din

    Naseeb Aazmane Ke Din Aa Rahe Hain;
    Kareeb Un Ke Aane Ke Din Aa Rahe Hain;

    Jo Dil Se Kaha Hai Jo Dil Se Suna Hai;
    Sab Un Ko Sunane Ke Din Aa Rahe Hain;

    Abhi Se Dil-o-Jaan Sar-e-Raah Rakh Do;
    Ki Lutne Lutaane Ke Din Aa Rahe Hain;

    Tapakne Lagi Un Nigaahon Se Masti;
    Nigahein Churane Ke Din Aa Rahe Hain;

    Saba Phir Humein Puchti Phir Rahi Hai;
    Chaman Ko Sajane Ke Din Aa Rahe Hain;

    Chalo 'Faiz' Phir Se Kahin Dil Lagyein;
    Suna Hai Thikaane Ke Din Aa Rahe Hain!
    ~ Faiz Ahmad Faiz
  • Kahan Tak Sunegi Raat Kahan Tak Sunayein Ge hum;
    Shikwe Sare Sab Aaj Tere Rubaru Karein!
    ~ Faiz Ahmad Faiz