• Woh Aa Rahe Hain Woh Aate Hain Aa Rahe Honge;<br/>
Shab-e-Firaq Yeh Keh Kar Guzaar Di Hum Ne!
    Woh Aa Rahe Hain Woh Aate Hain Aa Rahe Honge;
    Shab-e-Firaq Yeh Keh Kar Guzaar Di Hum Ne!
    ~ Faiz Ahmad Faiz
  • Dono Jahaan Teri Mohabbat Mein

    Dono Jahaan Teri Mohabbat Mein Haar Ke;
    Woh Jaa Raha Hai Koi Shab-e-Gam Guzaar Ke;

    Veeraan Hai Maikada Khum o Sagar Udaas Hain;
    Tum Kya Gaye Ki Rooth Gaye Din Bahaar Ke;

    Ik Fursat-e-Gunaah Mili Wo Bhi Chaar Din;
    Dekhe Hain Hum Ne Haunsle Parwardigaar Ke;

    Duniya Ne Teri Yaad Se Baigana Kar Diya;
    Tujh Se Bhi Dil-Fareb Hain Gam Rozgaar Ke;

    Bhule Se Muskura To Diye The Woh Aaj 'Faiz';
    Mat Puch Valvale Dil-e-Naa-Karda-Kaar Ke!
    ~ Faiz Ahmad Faiz
  • Dono Jahaan Teri Mohabbat

    Dono Jahaan Teri Mohabbat Mein Haar Ke;
    Wo Ja Raha Hai Koi Shab-e-Gham Guzaar Ke;

    Viraan Hai Maikada Khum-o-Sagar Udaas Hai;
    Tum Kya Gaye Ki Rooth Gaye Din Bahaar Ke;

    Ik Fursat-e-Gunaah Mili, Wo Bhi Chaar Din;
    Dekhe Hain Ham Ne Hausale Parvar-Digaar Ke;

    Duniya Ne Teri Yaad Se Begaana Kar Diya;
    Tujh Se Bhi Dil Fareb Hain Gham Rozgaar Ke;

    Bhule Se Muskura To Diye The Wo Aaj 'Faiz';
    Mat Puch Val-Vale Dil-e-Na-Kardahkaar Ke!
    ~ Faiz Ahmad Faiz
  • Kab Tak Dil Ki Khair Manaae

    Kab Tak Dil Ki Khair Manaae Kab Tak Raah Dikhaaoge;
    Kab Tak Chain Ki Mohalat Doge, Kab Tak Yaad Na Aaoge;

    Bitaa Did Umeed Kaa Mausam, Khaak Udati Hai Aankhon Mein;
    Kab Bhejoge Dard Kaa Baadal, Kab Barkhaa Barasaaoge;

    Ahad-e-Vafaa Aur Tark-e-Mohabbat Jo Chaaho So Aap Karo;
    Apane Bas Ki Baat Hi Kyaa Hai, Hamase Kyaa Manavaaoge;

    Kisne Vasl Kaa Sooraj Dekhaa, Kis Par Hijr Ki Raat Dhali;
    Gesuon Vaale Kaun The, Kya The, Unko Kya Jatalaaoge;

    'Faiz' Dilon Ke Bhaag Mein Hai Ghar Basanaa Bhi Lut Jaanaa Bhi;
    Tum Us Husn Ke Lutf-o-Karam Par Kitane Din Itaraaoge!
    ~ Faiz Ahmad Faiz
  • Duniya Ne Teri Yaad Se Begaana Kar Diya;<br/>
Tujh Se Bhi Dil-Fareb Hain Gham Rozgaar Ke!
    Duniya Ne Teri Yaad Se Begaana Kar Diya;
    Tujh Se Bhi Dil-Fareb Hain Gham Rozgaar Ke!
    ~ Faiz Ahmad Faiz
  • Yun Saja Chaand Ki Chalka

    Yun Saja Chaand Ki Chalka Tere Andaaz Ka Rang;
    Yun Fazaa Mehaki Ki Badla Mere Humaraaz Kaa Rang;
    Saya-­e­-Chashm Mein Hairaan Rukh­-e­-Raushan Ka Jamaal;
    Surkhi-­e­-Lab Pe Pareshaan Teri Aawaaz Ka Rang;
    Bepiye Hon Ki Agar Lutf Karo Aakhir­-e­-Shab;
    Sheesha­-e­-May Mein Dhale Subah Ke Aagaaz Ka Rang;
    Chango-­Nay Rang Pe The Apane Lahoo Ke Dam Se!
    ~ Faiz Ahmad Faiz
  • Dunyaa Ne Teri Yaad Se Begaana Kar Diya;
    Tujh Se Bhi Dil-Fareb Hain Gham Rozgaar Ke...
    ~ Faiz Ahmad Faiz
  • Mitt Jaye Gi Makhlooq To Insaaf Karo Ge;<br/>
Munsif Ho Agar To Hashar Uthaa Kyon Nahin Dete!
    Mitt Jaye Gi Makhlooq To Insaaf Karo Ge;
    Munsif Ho Agar To Hashar Uthaa Kyon Nahin Dete!
    ~ Faiz Ahmad Faiz
  • Bara Hai Dard Ka Rishta, Yeh Dil Ghareeb Sahi;
    Tumhare Naam Pe Aayen Ge Ghamgusaar Chale!
    ~ Faiz Ahmad Faiz
  • Pindaar Ke Khogar Ko

    Pindaar Ke Khogar Ko Naqaam Bhi Dekho Ge;
    Aaghaaz Se Waaqif Ho Anjaam Bhi Dekho Ge;

    Rungini-o-Duniya Se Mayoos Sa Ho Jana;
    Dukhta Howa Dil Le Kar Tanhaayi Mein Kho Jaana;

    Tarsi Howi Nazron Ko Hasrat Se Jhuka Lena;
    Faryaad Ke Tukron Ko Aahon Mein Chhupa Lena;

    Raaton Ki Khamooshi Mein Chhup Kar Kubhi Ro Lena;
    Majboor Jawaani Ke Malboos Ko Dho Lena;

    Jazbaat Ki Wusat Ko Sajdon Se Basaa Lena;
    Bhooli Howi Yaadon Ko Seenay Se Laga Lena!
    ~ Faiz Ahmad Faiz