• Dushman Kee Dosti Hai Ab Ahale Vatan Ke Saath,
    Hai Ab Khijaan Chaman Mein Naye Pairahan Ke Saath;

    Sar Par Hawaye Zulm Chale Sau Yatan Ke Saath,
    Apni Kulaah Kaj Hai Usi Baankpan Ke Saath;

    Kisne Kaha Ki Toot Geya Khanzare Phirang,
    Seene Pe Zakhme Nau Bhi Hai Daage Kuhan Ke Saath;

    Jhonke Jo Lag Rahe Hain Naseeme Bahaar Ke,
    Jumbish Mein Hai Kafas Bhi Aseere Chaman Ke Saath;

    Majrooh Kaafale Ki Mere Daastaan Ye Hai,
    Rehbar Ne Mil Ke Loot Liya Raahajan Ke Saath!
    ~ Majrooh Sultanpuri
  • Kis Kis Ko Haaye Tere Taghaaful Kaa De Jawaab,<br />
Aksar To Reh Gaye Hain Jhuka Kar Nazar Ko Hum;<br />
Allaah Re Wo Aalame Rukhsat Ki Der Tak,<br />
Taakte Rahe Hain Yun Hi Teri Rehguzar Ko Hum!Upload to Facebook
    Kis Kis Ko Haaye Tere Taghaaful Kaa De Jawaab,
    Aksar To Reh Gaye Hain Jhuka Kar Nazar Ko Hum;
    Allaah Re Wo Aalame Rukhsat Ki Der Tak,
    Taakte Rahe Hain Yun Hi Teri Rehguzar Ko Hum!
    ~ Majrooh Sultanpuri
  • Hum Hain Mataa-e-Koocha-o-Baazaar

    Hum Hain Mataa-e-Koocha-o-Baazaar Kee Tarah;
    Uthti Hai Har Nigaah Kharidaar Kee Tarah;

    Iss Ku-e-Tishnagi Mein Bahut Hai Ki Ek Jaam;
    Haath Aa Gaya Hai Daulat-e-Bedaar Kee Tarah;

    Wo To Hain Kahin Aur Magar Dil Ke Aas Paas;
    Firti Hai Koi Shay Nigaah-e-Yaar Kee Tarah;

    Seedhi Hai Raah-e-Shauq Pa Yun Hi Kabhi Kabhi;
    Kham Ho Gayi Hai Gesu-e-Diladar Kee Tarah;

    Ab Ja Ke Kuch Khula Hunar-e-Naakhoon-e-Junoon;
    Zakhm-e-Jigar Huye Lab-o-Rukhsar Kee Tarah;

    Majrooh Likh Rahe Hain Wo Ahal-e-Wafa Ka Naam;
    Hum Bhi Khade Hue Hain Gunahagaar Kee Tarah!
    ~ Majrooh Sultanpuri
ADVERTISEMENT
ADVERTISEMENT