• Tere Khyaal Mein Kuch Aise Gum Raha Barson;
    Main Apne Aap Se Bhi Mil Nahin Saka Barson;

    Kahin Woh Zaaiqa Tehleel Hi Na Ho Jae;
    Main Tum Se Mil Kar Kisi Se Nahi Mila Barson;

    Kaha Tha Tum Ne Ke Tum Laut Ke Aaoge Ek Din;
    So Main Jahaan Tha Wahin Par Khada Raha Barson;

    Tere Baghair Meri Umar Raayegaan Guzri;
    Koi Bhi Kaam Nahin Theek Se Hua Barson;

    Tumhare Haath Kee Dastak Kee Aaas Mein 'Mohsin';
    Main Apne Ghar Se Kahin Bhi Nahin Geya Barson!
    ~ Mohsin Naqvi
  • Itni Muddat Baad

    Itni Muddat Baad Mile Ho;
    Kin Socho Mein Gum Rahate Ho;

    Tez Hawaa Ne Mujh Se Puchaa;
    Ret Pe Kya Likhte Rehte Ho;

    Kaun Si Baat Hai Tum Mein Aisi;
    Itne Achchhe Kyon Lagte Ho;

    Hum Se Na Poocho Hijr Ke Qisse;
    Apni Kaho Ab Tum Kaise Ho!
    ~ Mohsin Naqvi
  • Jab Se Usne Shehar Ko Chhoda Har Raasta Sunsaan Hua;<br />
Apna Kya Hai Saare Shehar Ka Ek Jaisa Nuksaan Hua!
    Jab Se Usne Shehar Ko Chhoda Har Raasta Sunsaan Hua;
    Apna Kya Hai Saare Shehar Ka Ek Jaisa Nuksaan Hua!
    ~ Mohsin Naqvi
  • Abhi Kamsin Ho, Rehne Do, Kahin Kho Dogi Dil Mera;<br />
Tumhare Hi Liye Rakha Hai, Le Jaana Jawaan Ho Kar!
    Abhi Kamsin Ho, Rehne Do, Kahin Kho Dogi Dil Mera;
    Tumhare Hi Liye Rakha Hai, Le Jaana Jawaan Ho Kar!
    ~ Mohsin Naqvi
  • Jab Se Usne Shehar Choda Har Raasta Sunsan Hua;
    Apna Kya Hai Sare Shehar Ka Ek Jaisa Nuksan Hua;
    Ye Dil Ye Aaseb Kee Nagri Maskan Sochun Vehmon Ka;
    Soch Raha Hun Is Nagri Mein Tu Kab Se Mehman Hua!
    ~ Mohsin Naqvi
  • Wohi Wehshat, Wohi Hairat, Wohi Tanhai Hai 'Mohsin';
    Teri Aankhein Mere Khwabon Se Kitni Milti Julti Hain!
    ~ Mohsin Naqvi
  • Ret Par Likh Kar Mera Naam

    Ret Par Likh Kar Mera Naam Mitaya Na Karo;
    Aankhein Sach Bolti Hain Pyaar Chupaya Na Karo;

    Log Har Baat Ka Afsaana Banaa Lete Hain;
    Sab Ko Rudaad-e-Gham-e-Ishq Sunaaya Na Karo;

    Yeh Zaroori Nahi Har Shaks Maseeha Hi Ho;
    Pyaar Ke Zakham Amaanat Hain Dikhaya Na Karo;

    Shehar-e-Ehsaas Mein Pathraao Bahut Hai 'Mohsin';
    Dil Ko Sheeshe Ke Jharokon Mein Sajaaya Na Karo!
    ~ Mohsin Naqvi
  • Mere Qatil Ko Pukaro Ki Main

    Mere Qatil Ko Pukaro Ki Main Zinda Hoon Abhi;
    Phir Say Maqtal Ko Sanwaro Ki Main Zinda Hoon Abhi;

    Yeh Shab-e-Hijar To Sathi Hai Meri Barsoon Say;
    Jao So Jao Sitaro Ki Main Zinda Hoon Abhi;

    Yeh Pareshan Say Gaisu Dekhe Nahi Jate;
    Apni Zulfun Ko Sanwaro Ki Main Zinda Hoon Abhi;

    Lakh Moujoun Mein Ghira Hun, Abhi Dooba To Nahi;
    Mujh Ko Sahil Say Pukaro Ki Main Zinda Hoon Abhi;

    Qabar Say Aaj Bhi 'Mohsin' Kee Aati Hai Sada;
    Tum Kahan Ho Mera Yaroo Ki Main Zinda Hoon Abhi!
    ~ Mohsin Naqvi
  • Maza Deti Hain Unko Zindagi Kee Thokrein 'Mohsin';<br/>
Jinko Naam-e-Khudaa Le Kar Sambhal Jaane Kee Aadat Ho!<br/>
    Maza Deti Hain Unko Zindagi Kee Thokrein 'Mohsin';
    Jinko Naam-e-Khudaa Le Kar Sambhal Jaane Kee Aadat Ho!
    ~ Mohsin Naqvi
  • Issi Khayaal Se Guzri Hai Shaam-e-Dard Aksar;
    Ke Dard Hadh Se Jo Guzre Ga Muskuraa Doon Ga!
    ~ Mohsin Naqvi