• Woh Shakhs Jis Ko Samajhney Mein Mujh Ko Umar Lagi;
    Bichad Ke Mujh Se Kissi Kaa Ho Na Saka Hoga!
    ~ Mohsin Naqvi
  • Tanhayi Mein Ajeeb

    Tanhayi Mein Ajeeb Zamanay Ki Wafaa Dekhta Raha;
    Umar Bhar Apna Ghar Tanha Dekhta Raha;

    Kaheen Na Kaheen Tou Badal Hee Jaatay Hain Silsilay;
    Magar Main Jahan Gaya Sehra Dekhta Raha;

    Jaanay Kiun Katraatay Hain Loog Mujhe Milne Se;
    Kal Shab Dair Talak Aaina Dekhta Raha;

    Paani Maangtay Maangtay Mere Honth Pathar Ho Gaye;
    Wo Shakhs Mashkeezah Lye Khada Dekhta Raha;

    Be-Gunaah Tha Phir Bhi Sir Jhukaaye Howay;
    Sitamgar Ki Sitam Ki Intehaa Dekhta Raha;

    Umar Bhar Mohabbat Ka Kuch Yun Sila Raha;
    Main Ose Aur Wo Duniya Dekhta Raha;

    Kahunga Khuda Se Yom-e-Hisaab Ko 'Mohsin';
    Ke Zamaana Meri Barbaadi Ka Tamaasha Dekhta Raha!
    ~ Mohsin Naqvi
  • Hajoom Mein Tha, Woh Khul Kar Na Ro Saka Ho Ga;<br/>
Magar Yakeen Hai Ke Shab Bhar Na So Saka Ho Ga!
    Hajoom Mein Tha, Woh Khul Kar Na Ro Saka Ho Ga;
    Magar Yakeen Hai Ke Shab Bhar Na So Saka Ho Ga!
    ~ Mohsin Naqvi
  • Us Ki Chahat Ka Bharam Kya Rakhna;<br/>
Dasht-e-Hijraan Mein Qadam Kya Rakhna;<br/>
Hanss Bhi Lena Kabhi Khud Par Mohsin;<br/>
Har Ghadi Aankh Ko Namm Kya Rakhna!
    Us Ki Chahat Ka Bharam Kya Rakhna;
    Dasht-e-Hijraan Mein Qadam Kya Rakhna;
    Hanss Bhi Lena Kabhi Khud Par Mohsin;
    Har Ghadi Aankh Ko Namm Kya Rakhna!
    ~ Mohsin Naqvi
  • Heraan Hoon Kay Muddat-e-Qaleel Main Mohsin;
    Wo Shakhas Meri Souch Say Zayada Badal Gaya!

    Translation:
    Qaleel = Very less
    ~ Mohsin Naqvi
  • Ab Ke Yun Bhi Teri

    Ab Ke Yun Bhi Teri Zulfon Ki Shikan Tooti Hai;
    Rung Phootey Kahin Khushboo Ki Rasan Tooti Hai;

    Maut Aai Hai Ke Taskeen Ki Saa't Aai;
    Saans Tooti Hai Ke Sadiyon Ki Thakan Tooti Hai;

    Dil Shikasta Tou Kai Baar Howay Thay Laikin;
    Ab Ke Yun Hai Ke Her Ek Shaakh-e-Badan Tooti Hai;

    Itni Be-Rabt Mohabbat Bhi Kahan Thi Apni;
    Darmiyaan Se Kahin Zanjeer-e-Sukhan Tooti Hai;

    Silsila Tujh Se Bicharnay Ka Kahan Khatam Howa;
    Ek Zamaaney Se Raah-o-Rasm-e-Kuhaa.N Tooti Hai;

    Mere Yaaron Ke Tabassum Ki Kiran Maqtal Mein;
    Nok-e-Neza Ki Tarha Zair-e-Kafan Tooti Hai;

    Reza Reza Mein Bikharta Gaya Her Suu "Mohsin";
    Sheesha Sheesha Meri Sangeeni-e-Fun Tooti Hai!
    ~ Mohsin Naqvi
  • Us Ki Chahat Ka Bharam Kya Rakhna;<br/>
Dasht-e-Hijraan Mein Qadam Kya Rakhna;<br/>
Hanss Bhi Lena Kabhi Khud Per Mohsin;<br/>
Har Gharri Aankh Ko Namm Kya Rakhna!
    Us Ki Chahat Ka Bharam Kya Rakhna;
    Dasht-e-Hijraan Mein Qadam Kya Rakhna;
    Hanss Bhi Lena Kabhi Khud Per Mohsin;
    Har Gharri Aankh Ko Namm Kya Rakhna!
    ~ Mohsin Naqvi
  • Tere Hijar Main Aur Mujhe Kya Karna Hai;<br/>
Tere Naam Kitaabein Likhtaa Rehta Hoon!
    Tere Hijar Main Aur Mujhe Kya Karna Hai;
    Tere Naam Kitaabein Likhtaa Rehta Hoon!
    ~ Mohsin Naqvi
  • Jo Teri Muntazir Theen Woh Ankhen Hi Bujh Gayin;<br/>
Ab Kyun Sajaa Raha Hai Charaaghon Se Shaam Ko!
    Jo Teri Muntazir Theen Woh Ankhen Hi Bujh Gayin;
    Ab Kyun Sajaa Raha Hai Charaaghon Se Shaam Ko!
    ~ Mohsin Naqvi
  • Bichad Ke Mujh Se Kabhi

    Bichad Ke Mujh Se Kabhi Tu Ne Ye Bhi Socha Hai;
    Adhura Chand Bhi Kitana Udas Lagata Hai;

    Ye Vasl Ka Lamha Hai Ise Rayegan Na Samajh;
    Ke Is Ke Bad Wohi Duriyon Ka Sahara Hai;

    Kuch Aur Der Na Jhadata Udasiyon Ka Shajar;
    Kise Khabar Tere Saye Mein Kon Baitha Hai;

    Ye Rakh-Rakhao Muhabbat Sikha Gai Us Ko;
    Wo Ruth Kar Bhi Mujhe Muskura Ke Milta Hai;

    Main Kis Tarah Tujhe Dekhun Nazar Jhijhakati Hai;
    Tera Badan Hai Ke Ye Aainon Ka Dariya Hai!
    ~ Mohsin Naqvi