• Sari Basti Mein Ye Jadoo Nazar Aaye Mujhko,
    Jo Daricha Bhi Khule Tu Nazar Aaye Mujhko;

    Sadiyon Ka Raat Jaga Meri Raaton Mein Aa Geya,
    Main Ek Haseen Shakhs Ki Baaton Mein Aa Geya;

    Jab Tassavuur Mera Chupke Se Tujhe Choo Aaye,
    Der Tak Apne Badan Se Teri Khushboo Aaye;

    Gustaakh Hawaaon Ki Shikaayat Na Kiya Kar,
    Udd Jaaye Duptta Toh Khanak Odh Liya Kar;

    Tum Pucho Aur Main Na Bataoon Aise Toh Halaat Nahi,
    Ek Zara Sa Dil Toota Hai Aur Toh Koi Baat Nahi;

    Raat Ke Sannate Mein Humne Kya-Kya Dhokhe Khaye Hain,
    Apna Hi Dil Jab Dhadka Toh Hum Samjhe Woh Aaye Hain!
    ~ Qateel Shifai
  • Mangne Se Mil Saki Nahi Humein Ek Bhi Khushi;<br/>
Paaye Hain Laakh Ranj Tamanna Kiye Baghair!Upload to Facebook
    Mangne Se Mil Saki Nahi Humein Ek Bhi Khushi;
    Paaye Hain Laakh Ranj Tamanna Kiye Baghair!
    ~ Qateel Shifai
  • Dil Pe Aaye Hue Ilzam Se Pehchante Hain;<br/>
Log Ab Mujhko Tere Naam Se Pehchante Hain!Upload to Facebook
    Dil Pe Aaye Hue Ilzam Se Pehchante Hain;
    Log Ab Mujhko Tere Naam Se Pehchante Hain!
    ~ Qateel Shifai
  • Yeh Ek Baar Ki Maut Ab Use Mili Warna;
    Zara Zara Sa Toh Hiddat Se Mar Raha Tha Koi!
    ~ Qateel Shifai
  • Ahbab Ko De Raha Hoon Dhokha;
    Chehre Pe Khushi Saja Raha Hoon!
    ~ Qateel Shifai
  • Aye Dost Teri Aankh Jo Nam Hai To Mujhe Kya,
    Main Khoob Hansunga Tujhe Gham Hai To Mujhe Kya;

    Kya Main Ne Kaha Tha Ki Zamane Se Bhala Kar,
    Ab Tu Bhi Sazavar-e-Sitam Hai To Mujhe Kya;

    Haan Le Le Kasam Gar Mujhe Qatra Bhi Mila Ho,
    Tu Shaaki-e-Arbaab-e-Karam Hai To Mujhe Kya;

    Jis Dar Se Nidamat Ke Siva Kuch Nahi Milta,
    Us Dar Pe Tera Sar Bhi Jo Khham Hai To Mujhe Kya;

    Maine To Pukara Hai Mohabbat Ke Ufaq Se,
    Raaste Mein Tere Sang-e-Haram Hai To Mujhe Kya;

    Bhoola To Na Hoga Tujhe Suqraat Ka Anjaam,
    Haathon Mein Tere Saaghar-e-Sam Hai To Mujhe Kya;

    Patthar Na Paden Gar Sar-e-Bazaar To Kehna,
    Tu Motarif-e-Husn-e-Sanam Hai To Mujhe Kya;

    Main Sarmad-o-Mansoor Bana Hun Teri Khaatir,
    Yeh Bhi Teri Umeed Se Kam Hai To Mujhe Kya!
    ~ Qateel Shifai
  • Yaaro Kisi Qatil Se Kabhi Pyaar Na Maango,
    Apne Hi Gale Ke Liye Talwar Na Maango;

    Gir Jaoge Tum Apne Maseeha Kee Nazar Se,
    Mar Kar Bhi Ilaaz-e-Dil-e-Beemar Na Maango;

    Khul Jayega Is Tarah Nigahon Ka Bharam Bhi,
    Kaanton Se Kabhi Phool Kee Mehakaar Na Maango;

    Sach Baat Pe Milta Hai Sada Zehar Ka Pyala,
    Jeena Hai To Phir Jeene Ke Izhaar Na Maango;

    Us Cheez Ka Kya Zikar Jo Mumkin Hi Nahi Hai,
    Sehara Mein Kabhi Sayaa-e-Deewar Na Maango!
    ~ Qateel Shifai
  • Yun Tasalli De Rahe Hain Hum Dil-e-Bimaar Ko,<br/>
Jis Tarah Thaame Koi Girti Hui Deewar Ko!Upload to Facebook
    Yun Tasalli De Rahe Hain Hum Dil-e-Bimaar Ko,
    Jis Tarah Thaame Koi Girti Hui Deewar Ko!
    ~ Qateel Shifai
  • Jo Tu Hai Payaar Ka Baadal To Baar Baar Baras;<br />
Na Bheeg Paun Ga Main Tere Ek Nazarae Se!Upload to Facebook
    Jo Tu Hai Payaar Ka Baadal To Baar Baar Baras;
    Na Bheeg Paun Ga Main Tere Ek Nazarae Se!
    ~ Qateel Shifai
  • Kuch Keh Rahi Hain Aap Ke Seene Kee Dhadkanein;
    Mera Nahi To Dil Ka Kaha Maan Jaiye!
    ~ Qateel Shifai
ADVERTISEMENT
ADVERTISEMENT