• Taaron Se Mera Jaam Bharo Main Nashe Mein Hun;
    Ai Sakinaan-e-Khuld Suno Main Nashe Mein Hun;

    Kuch Phool Khil Rahe Hain Sar-e-Shakh-e-May-Kada;
    Tum Hi Zara Ye Phool Chuno Main Nashe Mein Hun;

    Thehro Abhi To Subah Ka Maara Hai Zau-Phishan;
    Dekho Mujhe Fareb Na Do Main Nashe Mein Hun;

    Nasha To Maut Hai Gham-e-Hasti Kee Dhoop Mein;
    Bikhara Ke Zulf Saath Chalo Main Nashe Mein Hun;

    Mela Yun Hi Rahe Ye Sar-e-Rahguzar-e-Zeest;
    Ab Jaam Saamne Hi Rakho Main Nashe Mein Hun;

    Payal Chanak Rahi Hai Nigaar-e-Khayal Kee;
    Kuch Ehatimaam-e-Raqs Karo Main Nashe Mein Hun;

    Main Dagmaga Raha Hun Bayabaan-e-Hosh Mein;
    Mere Abhi Kareeb Raho Main Nashe Mein Hun;

    Hai Sirf Ek Tabasum-e-Rangeen Bahut Mujhe;
    'Saghar' B-Dosh Lala-Rukhon Main Nashe Mein Hun!
    ~ Saghar Siddiqui
  • Wo Bulayein To Kya Tamasha Ho;
    Hum Na Jaayein To Kya Tamasha Ho;

    Ye Kinaron Se Khelne Wale;
    Doob Jaayein To Kya Tamasha Ho;

    Banda Parwar Jo Hum Pe Guzari Hai;
    Hum Batayein To Kya Tamasha Ho;

    Aaj Hum Bhi Teri Wafaon Par;
    Muskurayein To Kya Tamasha Ho;

    Teri Soorat Jo Itefaaq Se Hum;
    Bhool Jaayein To Kya Tamasha Ho;

    Waqt Kee Chand Satein 'Saghar';
    Laut Aayein To Kya Tamasha Ho!
    ~ Saghar Siddiqui
  • Baat Phoolon Ki Suna Karte The;
    Hum Kabhi Sher Kaha Karte The;

    Mashalein Lekar Tumhare Gham Kee;
    Hum Andheron Mein Chala Karte The;

    Ab Kahan Aisi Tabiyat Wale;
    Chot Kha Kar Jo Jiya Karte The;

    Tark-e-Ehsas-e-Mohabbat Mushkil;
    Haan Magar Ahl-e-Wafa Karte The;

    Bikhri Bikhri Hui Zulfon Wale;
    Kaafile Rok Liya Karte The;

    Aaj Gulshan Mein Shagufe "Saghar";
    Shikwa Ai Baad-e-Sabaa Karte The!
    ~ Saghar Siddiqui
  • Tere Daaman Kee Hawa Mangte Hain;
    Hum Bhi Jeene Kee Dua Mangte Hain;

    Mutaribo Koi Achuta Nagma;
    Saaz Aahang-o-Sadaa Mangte Hain;

    Maah-o-Anjum Ke Jharokhe Aksar;
    Kisi Ke Aariz Kee Dua Mangte Hain;

    Phir Patangon Mein Khudayi Jagi;
    Sholay Hashr-Numa Mangte Hain;

    Banda-Parwar Koi Khairat Nahi;
    Hum Wafaon Ka Sila Mangte Hain;

    Maikada Ho Ke Kaleesa 'Saghir';
    Sari Duniya Ka Bhala Mangte Hain!
    ~ Saghar Siddiqui
  • Tere Daaman Kee Hawa Mangte Hain;
    Hum Bhi Jeene Kee Dua Mangte Hain;

    Mutaribo Koi Achuta Nagma;
    Saaz Aahang-o-Sadaa Mangte Hain;

    Maah-o-Anjum Ke Jharokhe Aksar;
    Kisi Ke Aariz Kee Dua Mangte Hain;

    Phir Patangon Mein Khudayi Jagi;
    Sholay Hashr-Numa Mangte Hain;
    Banda-Parwar Koi Khairat Nahi;
    Hum Wafaon Ka Sila Mangte Hain;

    Maikada Ho Ke Kaleesa 'Saghir';
    Sari Duniya Ka Bhala Mangte Hain!
    ~ Saghar Siddiqui
  • Main Talakhiye Hyaat Se Ghabra Ke Pee Geya;<br/>
Gham Kee Siyah Raat Se Ghabra Ke Pee Geya;<br/>
Itni Dakik She Koi Kaise Samajh Sake; <br/>
Yazdan Ke Vakiyat Se Ghabra Ke Pee Geya!
    Main Talakhiye Hyaat Se Ghabra Ke Pee Geya;
    Gham Kee Siyah Raat Se Ghabra Ke Pee Geya;
    Itni Dakik She Koi Kaise Samajh Sake;
    Yazdan Ke Vakiyat Se Ghabra Ke Pee Geya!
    ~ Saghar Siddiqui
  • Kal Jinhe Chhu Nahin Sakti Thi Farishton Kee Nazar;<br/>
Aaj Wo Raunaq-e-Bazar Nazar Aate Hain!
    Kal Jinhe Chhu Nahin Sakti Thi Farishton Kee Nazar;
    Aaj Wo Raunaq-e-Bazar Nazar Aate Hain!
    ~ Saghar Siddiqui
  • Log Lete Hain Yun Hi Shamma Aur Parwane Ka Naam;<br/>
Kuch Nahi Hai Is Jahan Mein Ghum Ke Afsane Ka Naam!
    Log Lete Hain Yun Hi Shamma Aur Parwane Ka Naam;
    Kuch Nahi Hai Is Jahan Mein Ghum Ke Afsane Ka Naam!
    ~ Saghar Siddiqui
ADVERTISEMENT
ADVERTISEMENT