• Baat Aisi Bhi Koi Nahi Ki Mohabbat Bahut Jyada Hai;
    Lekin Hum Dono Se Us Kee Taqat Bahut Jyada Hai;
    Aap Ke Peeche Peeche Phirne Se To Rahe Is Umar Mein Hum;
    Raah Pe Aa Baithe Hain Ye Bhi Ghanimat Bahut Jyada Hai!
    ~ Zafar Iqbal
  • Khushi Mili To Ye Aalam

    Khushi Mili To Ye Aalam Tha Bad-Hawasi Ka;
    Ki Dhyan Hi Na Raha Gham Kee Be-Libasi Ka;

    Chamak Uthe Hain Jo Dil Ke Kalas Yahan Se Abhi;
    Guzar Hua Hai Khayalon Kee Dev-Dasi Ka;

    Guzar Na Jaa Yun Hi Rukh Pher Kar Salaam To Le;
    Humein To Der Se Daawa Hai Roo-Shanasi Ka;

    Khuda Ko Maan Ki Tujh Lab Ke Choomane Ke Siva;
    Koi Ilaaj Nahi Aaj Kee Udasi Ka;

    Gire Pade Hue Patton Mein Shehar Dhoodhta Hai;
    Ajeeb Taur Hai Iss Junglon Ke Baasi Ka!
    ~ Zafar Iqbal
  • Kab Woh Zahir Hoga Aur

    Kab Woh Zahir Hoga Aur Hairan Kar Dega Mujhe;
    Jitni Bhi Mushkil Mein Hun Aasan Kar Dega Mujhe;

    Roo-b-Roo Kar Ke Kabhi Apne Mehakte Surkh Honth;
    Ek Do Pal Ke Liye Guldaan Kar Dega Mujhe;

    Rooh Phoonkega Mohabbat Kee Mere Paikar Mein Woh;
    Phir Woh Apne Samne Be-Jaan Kar Dega Mujhe;

    Khwahishon Ka Khoon Bahega Sar-e-Bazar-e-Shauq;
    Aur Mukammal Be-e-Sar-o-Saman Kar Dega Mujhe;

    Munahadim Kar Dega Aa Kar Sari Tameeraat-e-Dil;
    Dekhte Hee Dekhte Veeran Kar Dega Mujhe;

    Ek Naa-Maujudgi Reh Jayegi Charon Taraf;
    Rafta Rafta Iss Qadar Sunsaan Kar Dega Mujhe;

    Ya To Mujh Se Woh Chuda Dega Ghazal-Goyi 'Zafar'
    Ya Kisi Din Sahab-e-Deevaan Kar Degaa Mujhe!
    ~ Zafar Iqbal
  • Main Bikhar Jaunga Zanjeer Kee Kadiyon Kee Tarah;<br/>
Aur Reh Jayegi Iss Dasht Mein Jhankar Meri!
    Main Bikhar Jaunga Zanjeer Kee Kadiyon Kee Tarah;
    Aur Reh Jayegi Iss Dasht Mein Jhankar Meri!
    ~ Zafar Iqbal
  • Yahan Kisi Ko Bhi Kuch Hasb-e-Aarzoo Na Mila;<br/>
Kisi Ko Hum Na Mile Aur Hum Ko Tu Na Mila!
    Yahan Kisi Ko Bhi Kuch Hasb-e-Aarzoo Na Mila;
    Kisi Ko Hum Na Mile Aur Hum Ko Tu Na Mila!
    ~ Zafar Iqbal
  • Yahaan Kisii Ko Bhii Kuchh

    Yahaan Kisii Ko Bhii Kuchh Hasb-e-Aarzuu Na Milaa;
    Kisii Ko Ham Na Mile Aur Ham Ko Tuu Na Milaa;

    Ghizaal-e-Ashk Sar-e-Subah Duub-e-Mizhgaan Par;
    Kab Apnii Aankh Khulii Aur Lahuu Lahuu Na Milaa;

    Chamakte Chaand Bhii The Shahar-e-Shab Ke Aivaan Men;
    Nigaar-e-Gham Saa Magar Koii Shamaa-Ruu Na Milaa;

    Unhii Kii Ramz Chalii Hai Galii Men Yahaan;
    Jinhen Idhar Se Kabhi Izn-e-Guftguu Na Milaa;

    Phir Aaj Mai-Kada-e-Dil Se Laut Aaye Hain;
    Phir Aaj Ham Ko Thikaane Ka Subuu Na Mila!

    Translation:

    Hasb-e-Arzoo = In Accordance With One's Wishes
    Ruu = Face
    Izn = Permission
    ~ Zafar Iqbal