-
~ Ahmad FarazBhari Bahar Mein Ek Shaakh Par Khila Hai Gulab;
Ki Jaise Tu Ne Hatheli Pe Gaal Rakha Hai! -
~ Ahmad FarazHua Hai Tujh Se Bichhadne Ke Baad Ye Maalum;
Ki Tu Nahi Tha Tere Saath Ek Duniya Thi!d -
~ Ahmad FarazRanjish Hi Sahi Dil Hi Dukhane Ke Liye Aa:
Ranjish Hi Sahi Dil Hi Dukhane Ke Liye Aa,
Aa Phir Se Mujhe Chhod Ke Jaane Ke Liye Aa;
Kuch To Mere Pindar-e-Mohabbat Ka Bharam Rakh,
Tu Bhi To Kabhi Mujh Ko Manane Ke Liye Aa;
Pehle Se Marasim Na Sahi Phir Bhi Kabhi To,
Rasm-o-Rah-e-Duniya Hi Nibhane Ke Liye Aa;
Kis Kis Ko Batayenge Judaai Ka Sabab Hum,
Tu Mujh Se Khafa Hai To Zamane Ke Liye Aa;
Ik Umar Se Hun Lazzat-e-Girya Se Bhi Mehrum,
Ai Rqhat-e-Jan Mujh Ko Rulane Ke Liye Aa;
Ab Tak Dil-e-Khush-Fahm Ko Tujh Se Hain Ummeedein,
Ye Aakhiri Shamein Bhi Bujhane Ke Liye Aa! -
~ Ahmad FarazIs Zindagi Mein Itni Faraghat Kise Naseeb;
Itna Na Yaad Aa Ki Tujhe Bhool Jayein Hum!
* Faraghat - Cessation from labour, Interval, Time for rest, Comfort -
~ Ahmad FarazSakiya Ek Nazar Jaam Se Pehle Pehle;
Hum Ko Jana Hai Kahin Sham Se Pehle Pehle! -
~ Ahmad FarazUs Ko Juda Hue Bhi Zamana Bahut Hua,
Ab Kya Kahein Yeh Qissa Purana Bahut Hua;
Hum Khuld Se Nikal To Gaye Hain Par Ai Khuda,
Itne Se Waqiye Ka Fasana Bahut Hua! -
~ Ahmad FarazAb Ke Hum Bichhade Toh Shayad Kabhi Khwabon Mein Milen;
Jis Tarah Sookhe Hue Phool Kitabon Mein Milen! -
~ Ahmad FarazAankh Se Door Na Ho Dil Se Utar Jaayega;
Waqt Ka Kya Hai Guzarta Hai Guzar Jaayega! -
~ Ahmad FarazTor Diya Tasbee Ko Is Khayal Se Faraz;
Kya Gin Gin Ke Naam Lena Uska Jo Behisab Deta Hai! -
~ Ahmad FarazDil Giraftaa Hi Sahi:
Dil Giraftaa Hi Sahi Bazm Saja Li Jaye,
Yaad-e-Janan Se Koi Shaam Na Khaali Jaye;
Rafta-Rafta Yahi Zandaan Mein Badal Jate Hain,
Ab Kisi Shehar Ki Buniyaad Na Daali Jaye;
Mushaf-e-Rukh Hai Kisi Ka Ki Beyaaz-e-Hafiz,
Aise Chehre Se Kabhi Faal Nikaali Jaye;
Woh Murawwat Se Mila Hai To Jhukadun Gardan,
Mere Dushman Ka Koi Waar Na Khaali Jaaye;
Be-Nawaa Shehar Ka Saaya Hai Mere Dil Pe 'Faraz',
Kis Tarah Se Meri Aashufta Khyaali Jaye!