Ye Samajh Ke Maana Hai Sach Tumhari Baaton Ko;
Itne Khoobsurat Lab Jhooth Kaise Bolenge!
Dil Bhi Toda To Saleeqe Se Na Toda Tum Ne;
Bewafai Ke Bhi Adaab Hua Karte Hain!
Itni Pee Jaaye Ki Mit Jaaye Main Aur Tu Ki Tameez;
Yaani Ye Hosh Ki Deewar Gira Di Jaaye!
Khoobsurat Hai Wahi Jis Pe Zamana Reejhe;
Yoon To Har Ek Ko Hai Apni Hi Soorat Achchhi!
Dikhawa Hi Karna Hai To Phir Bada Kar;
Tu Shayar Nahi Khud Ko Aashiq Kaha Kar!
Mujh Ko Ye Aarzoo Wo Uthaayen Naqaab Khud;
Un Ko Ye Intezaar Taqaaza Kare Koi!
Agar Maujen Dubo Deti To Kuch Taskeen Ho Jaati;
Kinaaron Ne Duboya Hai Mujhe Is Baat Ka Gham Hai!
Kya Sitam Hai Ki Ab Teri Surat;
Ghaur Karne Pe Yaad Aati Hai!
Wafaon Ke Badle Jafa Kar Rahe Hain;
Main Kya Kar Raha Hoon Wo Kya Kar Rahe Hain!
Apne Hone Ka Kuch Ehsaas Na Hone Se Hua;
Khud Se Milna Mera Ik Shakhs Ke Khone Se Hua!